کرن رجیجو نے اروناچل پردیش کی ٹیگن زبان میں پہلی فلم کا ٹریلر لانچ کیا

 ایٹا نگر۔ 6؍ مئی۔ ایم این این۔ مرکزی وزیر کرن رجیجو نے ہفتہ کو اپنی آبائی ریاست اروناچل پردیش کی ٹیگین زبان میں ”پہلی” فلم کے ٹریلر کو لانچ کرنے کے بعد کہا کہ فلمیں کسی ثقافت یا جگہ کی سب سے بڑی پروموٹر ہوتی ہیں۔ انہوں نے کہا کہ فلم ’’90 کی دہائی میں محبت‘‘ ٹیکس سے پاک ہوگی اور وہ ریاستی حکومت سے کہیں گے کہ وہ دوسرے ذرائع سے بھی اس کی تشہیر کرے۔ رجیجو نے لوگوں سے اسے دیکھنے کی اپیل کرتے ہوئے کہا کہ یہ فلم پورے ملک اور دنیا کے سامنے ٹیگین کمیونٹی کی ثقافت کو ظاہر کرتی ہے۔ 90 کی دہائی کی یاد تازہ کرتے ہوئے وزیر قانون نے کہا، ”ان دنوں زندگی بہت خوبصورت تھی۔ نوجوان نسل فلم سے لطف اندوز ہو گی، لیکن 90 کی دہائی کے لوگ جو ان دنوں محبت کا تجربہ کر رہے تھے، اسے محسوس کریں گے۔” انہوں نے مزید کہا کہ اروناچل پردیش کے ایٹا نگر میں بننے والا نیشنل انسٹی ٹیوٹ آف فلم اینڈ ٹیلی ویژن اس علاقے کے فن اور ثقافت کو فروغ دے گا۔ فلم کے ہدایت کار تپن ناتم نے کہا کہ وہ فخر محسوس کرتے ہیں کہ وہ ملک کے دور دراز کونوں میں سے ایک سے قومی راجدھانی تک آنے اور رجیجو کی مدد کی بدولت اپنی فلم کا ٹریلر ریلیز کرنے میں کامیاب ہوئے۔ مشہور بالی ووڈ پلے بیک سنگر موہت چوہان بھی یہاں نیشنل میڈیا سنٹر میں منعقدہ لانچ کے موقع پر موجود تھے۔