ضلع ترقیاتی کمشنر سرینگر کا شہر کے مختلف علاقوں کا دورہ

مجوزہ G20کانفرنس کے حوالے سے تجدید و مرمت کے کام میں سرعت لانے کی ہدایت
سرینگر میں رواں ماہ میں مجوزہ جی 20کانفرنس کے حوالے سے جاری کاموں کی پیش رفت کا جائزہ لینے کی غرض سے ڈی سی سرینگر نے دیگر اعلیٰ افسران کے ہمراہ جمعہ کو شام دھیر گئے سرینگر کے مختلف علاقوں کا دورہ کیا ۔ انہوں نے شہر کے مختلف جگہوں کے علاوہ ائر پورٹ روڑ کا بھی معائنہ کیا اور متعلقہ ایجنسیوں پر زور دیا کہ وہ مقررہ مدت کے اندر اندر تعمیر و تجدید کے کام کو مکمل کریں۔ ڈپٹی کمشنر محمد اعجاز اسد کے ہمراہ کمشنر سرینگر میونسپل کارپوریشن اور سی ای او ایس ایس سی ایل اطہر امیر خان بھی تھے۔دورے کے دوران ڈپٹی کمشنر نے زیرو برج، راج باغ، لال منڈی، ایل ڈی ہسپتال روڈ، گوگجی باغ، رام باغ، برزلہ باغات، پرے پورہ، حیدر پورہ، پیرباغ، ہمہامہ اور ایئرپورٹ جنکشن پر بیوٹیفکیشن، اپ گریڈیشن اور ری ڈیولپمنٹ کے کاموں کا جائزہ لیا۔اس موقع پر ڈی سی نے متعلقہ محکموں اور ایگزیکیوٹنگ ایجنسیوں کے افسران پر زور دیا کہ وہ جاری کاموں کی رفتار کو تیز کرنے کے لیے تمام دستیاب مشینری اور افرادی قوت کو متحرک کریں اور کام کی ضرورت کی نوعیت کو مدنظر رکھتے ہوئے مقررہ وقت کے ساتھ ان کی تکمیل کو یقینی بنائیں۔ضلع ترقیاتی کمشنر نے یہ بھی ہدایت کی کہ آئی جی روڈ کے ساتھ والی عمارت کی سڑکیں، اردگرد، باو¿نڈری والز کی بہتری کے ذریعے دلکش نظر آنا چاہیے۔ انہوں نے کہا کہ شہر کو خوبصورت بنانا ایک مشترکہ کوشش ہے اور تمام محکمے ضلع سری نگر میں جی 20 سمٹ کی میزبانی میں اپنا کردار ادا کریں گے۔ڈی سی نے افسران سے مزید کہا کہ وہ تمام موجودہ کاموں بشمول فٹ پاتھوں کی ترقی، میڈین، ٹریفک روڈ فرنشننگ، لینڈ سکیپ کی بہتری، ہورڈنگز کی تنصیب کے ساتھ ساتھ حال ہی میں اپ گریڈ کی گئی سڑکوں سے ملبہ اور تعمیراتی مواد کو ہٹانے وغیرہ میں کام کرنے کی ڈبل شفٹ پر زور دیں۔دورے کے دوران ڈی سی کے ساتھ چیف پلاننگ آفیسر سرینگر، جوائنٹ کمشنر ایس ایم سی، ایس ڈی ایم، ایسٹ، ایس ڈی ایم، ویسٹ، آر اینڈ بی، پی ڈی ڈی، پی ایچ ای، ایس ایس سی ایل، تحصیلدار جنوبی، تحصیلدار خانیار اور دیگر متعلقہ افسران بھی تھے۔