جموں و کشمیر کے 15 کاریگر فرانسیسی ایکسپو میں دستکاری کی نمائش کر رہے ہیں

سری نگر/  جموں و کشمیر کے 15 سے زیادہ کاریگر اور کاروباری افراد 70 رکنی وفد کا حصہ ہیں جو فوئر ڈی پیرس میں شرکت کر رہا ہے۔  فرانس میں ہندوستان کے سفیر جاوید اشرف نے  وول اینڈ وولینز ایکسپورٹ پروموشن کونسل (ڈبلیو ڈبلیو ای پی سی)کے  چیئرمین رومیش کھجوریہ کے ساتھ فوئر ڈی پیرس میں ہندوستانی پویلین کا افتتاح کیا۔رومیش کھجوریا نے کہا کہ ہندوستانی وفد میں ملک بھر سے 70 سے زائد کاروباری افراد، کاریگر، بنکر اور برآمد کنندگان شامل ہیں۔ڈبلیو ڈبلیو ای پی سی کے وفد میں جموں و کشمیر کے 15 برآمد کنندگان اور کاروباری افراد بھی شامل ہیں، جنہیں پیرس، فرانس کی مارکیٹ کو تلاش کرنے کا موقع ملتا ہے۔کھجوریہ  نے کہا کہ  چھوٹے پیمانے پر صنعت کار برآمد کنندگان کو چاہیے کہ وہ اس مارکیٹ کو تلاش کریں اور موجودہ رابطوں کو برقرار رکھیں۔”یہ ایک برآمدی فروغ کی سرگرمی ہے اور اس نے ہندوستانی ایس ایم ایز کو فرانس اور پڑوسی ممالک کے خریداروںاور ایجنٹوں کے ساتھ بات چیت کرنے کا ایک بہترین موقع فراہم کیا ہے۔ اس شرکت نے  ایس ایم ای  سیکٹر کو متعلقہ شعبے میں تازہ ترین مواقع اور نئی پیش رفت کے بارے میں بات کرنے اور عالمی منڈیوں میں اپنے کاروبار کو پھیلانے اور اس کی تشہیر کرنے کا ایک انتہائی ضروری موقع بھی فراہم کیا ہے۔انہوں نے کہا کہ فرانس دنیا میں ٹیکسٹائل اور ملبوسات کے درآمد کنندگان میں سرفہرست ہے۔ یہ 30 بلین امریکی ڈالر کی ٹیکسٹائل مصنوعات درآمد کرتا ہے، جو کہ فرانس کی ٹیکسٹائل کی مجموعی درآمدات میں ملبوسات (75% )کا کافی بڑا حصہ ہے۔انہوں نے کہا کہ ہندوستان کی فرانس کو ٹیکسٹائل مصنوعات کی برآمدات 2022-23 کے دوران 920.00 ملین امریکی ڈالر تھیں جبکہ محکمہ تجارت کی طرف سے مقرر کردہ 956 ملین امریکی ڈالر کے ہدف کے مقابلے میں 4.42 فیصد اضافہ درج کیا گیا تھا۔انہوں نے مزید کہا کہ فرانس کو تمام ٹیکسٹائل کے ریڈی میڈ ملبوسات کی برآمد میں 10 فیصد اضافہ ہوا ہے اور ہم نے 104 فیصد ہدف حاصل کر لیا ہے۔اونی مصنوعات کی برآمد میں بھی 2022-23 کے دوران 30 فیصد سے زیادہ کی متاثر کن نمو ہوئی ہے۔ اونی مصنوعات کی برآمدات 2021-22 میں 13 ملین امریکی ڈالر کے مقابلے 23-2022 کے دوران 17 ملین امریکی ڈالر تھیں۔وزیراعظم محسوس کرتے ہیں کہ ہر ہندوستانی پروڈکٹ کو عالمی بنایا جانا چاہئے اور ہر صنعت کار مائیکرو، سمال اور میڈیم کو ایکسپورٹ کے میدان میں داخل ہونے کی ترغیب دینی چاہئے کیونکہ ہماری مصنوعات کی کوالٹی اور مقدار پوری دنیا میں قابل قبول ہے۔”  فرانس یورپی ممالک کی بہترین منڈیوں میں سے ایک ہے کیونکہ وہاں کے برانڈز اچھے سائز کے آرڈرز پیش کرتے ہیں ہندوستانی سپلائرز کے لیے وولنز سمیت مارکیٹ میں اپنا حصہ بڑھانے کی بہت زیادہ صلاحیت ہے۔ملبوسات فرانس کا سب سے بڑا درآمد شدہ زمرہ ہے جو کل ٹیکسٹائل اور ملبوسات کی درآمدات کا 76% ہے۔ ہم پر امید ہیں کہ آپ کی مدد اور تعاون سے ہم اس مارکیٹ میں اونی اشیاء میں اپنا حصہ کئی گنا بڑھا سکتے ہیں۔