مراٹھواڑہ علاقہ میں گزشتہ چار دنوں میں بارش، ڑالہ باری، بجلیاں گرنے سے تقریباً 150 سے 160 گاوں میں تباہی مچی ہوئی ہے، فصلیں تباہ ہو گئی ہیں اور مویشیوں کی بھی بڑی تعداد میں موت ہوئی ہے۔مہاراشٹر کے کئی علاقوں میں بے موسم کی بارش نے حالات دگر گوں کر دیے ہیں۔ مراٹھواڑہ علاقے میں موسلادھار بارش اور ڑالہ باری کے سبب 10 لوگوں کی موت بھی واقع ہو گئی ہے۔ کم و بیش 1200 مرغے-مرغیاں بھی خراب موسم کی وجہ سے ہلاک ہو چکی ہیں اور بڑے پیمانے پر فصلیں و پھلوں کے باغ تباہ ہو گئے ہیں۔ خراب موسم کے پیش نظر آئی ایم ڈی (ہندوستانی محکمہ موسمیات) آئندہ پانچ دنوں کے لیے ریاست کے الگ الگ ضلعوں میں بے موسم بارش ہونے کا ’آرینج الرٹ‘ اور ’یلو الرٹ‘ جاری کیا ہے۔ 29 اپریل کو پونے ضلع اور وِدربھ کے اضلاع میں موسلادھار بارش کا امکان بھی ظاہر کیا گیا ہے۔قابل ذکر ہے کہ مراٹھواڑہ علاقہ میں گزشتہ چار دنوں میں برسات، ڑالہ باری، بجلیاں گرنے سے تقریباً 150 سے 160 گاو?ں میں تباہی مچی ہوئی ہے۔ بجلیاں گرنے سے 10 لوگوں کی موت ہوئی ہے جن میں ناندیڑ کے 6، پربھنی کے 3 اور بیڈ کے 1 شخص شامل ہیں۔ 8 ہزار ہیکٹیر تک کی زمین میں فصل اور پھلوں کے باغ برباد ہو گئے ہیں۔ تقریباً 150 مویشی اور 1150 سے 1200 مرغے-مرغیوں کی موت ہوئی ہے۔ 50 سے 60 گھروں کو بھی موسلادھار بارش اور ڑالہ باری سے نقصان پہنچا ہے۔ایک رپورٹ کے مطابق مراٹھواڑہ کے آٹھ اضلاع کے دس سرکل میں موسلادھار بارش نے تباہی کا نظارہ دکھایا ہے۔ ان میں لاتور ضلع کے 5، دھاراشیو کے 2، بیڈ کے 2، جالنا کے 1 سرکل میں ڑالہ باری ہوئی ہے۔ لاتور ضلع کے دیونی تحصیل میں 135 ملی میٹر بارش ہوئی ہے۔ مراٹھواڑہ کے علاوہ وِدربھ، مغربی مہاراشٹر، شمالی مہاراشٹر سمیت کونکن علاقہ میں بھی بے موسم بارش سے زبردست تباہی ہوئی ہے۔محکمہ موسمیات نے آئندہ پانچ دنوں کے لیے مراٹھواڑہ اور وِدربھ کے کئی اضلاع میں موسلادھار بارش ہونے کا آرینج اور یلو الرٹ جاری کیا ہے۔ مراٹھواڑہ کے احمد نگر ضلع سمیت چھترپتی سنبھاجی نگر، لاتور، جالنا، بیڈ کے لیے آرینج الرٹ جاری کیا گیا ہے۔ اسی طرح پونے، ستارا، سانگلی، کولہاپور، شولاپور، دھاراشیو، ناندیڑ، لاتور، ناسک، جلگاوں، دھولے، نندوربار کے لیے یلو الرٹ جاری کیا گیا ہے۔
26 اکتوبر ,2026
