سوپور میں چوروں کے گروہ کا پردہ فاش، 3 ملزمان گرفتار

لاکھوں مالیت کا مالہ مسروقہ برآمد
سرینگر 28 اپریل // سوپور میں پولیس نے چوروں کے ایک گروہ کا پردہ فاش کرتے ہوئے 3 ملزمان کو گرفتار کرکے ان کے قبضے سے لاکھوں مالیت کی مالہ مسروقہ برآمد کی ہے۔
مورخہ 11 اپریل2023 کو پولیس پوسٹ وارپورہ کو وجاہت الاسلام ولد عبدل حمید حجام ساکن بوٹنگو سوپور کی جانب سے تحریری شکایت موصول ہوئی جس میں کہا گیا ہے کہ 10 اور11 اپریل 2023 کی درمیانی رات کچھ نامعلوم چور نے کدلبل بوٹنگو میںاس کی اسپورٹس شاپ میں داخل ہوکر لاکھوں مالیت کا کھیل سامان چوری کر لیا۔ اسی مناسبت سے ایف آئی آر نمبر2023 61/ کے تحت قانون کی متعلقہ دفعات کے تحت پولیس اسٹیشن سوپور میں مقدمہ درج کرکے تحقیقات شروع کی گئی۔
تفتیش کے دوران افسران نے مختلف مقامات پر چھاپے مارے اور متعدد مشتبہ افراد کو پوچھ گچھ کے لیے بلایا گیا۔ پوچھ گچھ کے دوران تین افراد جن کی شناخت شعیب بٹ ولد محمد سلطان بٹ، رمیز احمد راتھر ولد محمد اشرف راتھر اور نعیم احمد نجار ولدغلام احمد نجار ساکنان عثمان آباد وارپورہ سوپور کے طور پر ہے نے جرم میں ملوث ہونے کا اعتراف کیا۔
ان کے انکشاف پر مختلف مقامات سے لاکھوں مالیت کی مالہ مسروقہ (کھیلوں کی اشیاءبشمول کرکٹ کٹس اور بلے) برآمد کی گئیں، اس کے علاوہ جرائم میں استعمال ہونے والا لوڈ کیریئر گاڑی زیر نمبر PB10FV4078 بھی قبضے میں لے لیا گیا۔ کیس میں مزید تفتیش جاری ہے۔ کمیونٹی کے ارکان نے کیس کو حل کرنے/کریک کرنے کے لیے پولیس کی کوششوں کو سراہا ہے۔ ہماری مسلسل کارروائیاں کمیونٹی کے اراکین کو یقین دلائیں گی کہ پولیس نے کسی بھی قسم کی مجرمانہ سرگرمی میں ملوث افراد کے خلاف سخت کارروائی کرنے کا عزم کیا ہے۔