پونچھ میں ایکو گاڑی ڈرائیور کے قابو سے باہر ہوکر گہری کھائی میں جاگری

گاڑی میں سوار 13بچوں سمیت 14افراد زخمی ہوئے ہیں ۔ ہسپتال میں زیر علاج
سرینگر/19مارچ/ونچھ میں سڑک کے ایک حادثے میں 13بچوں سمیت چودہ افراد زخمی ہوئے ہیں جن کو فوری طور پر ہسپتال پہنچایا گیا ہے جہاں ان کا علاج و معالجہ جاری ہے ۔ پونچھ ضلع میں اتوار کو ایک سڑک حادثے میں کم از کم 14 افراد زخمی ہو گئے۔حکام نے بتایا کہ پونچھ ضلع کی مینڈھر تحصیل میں کیری کے مقام پر ایک وین کے ڈرائیور نے گاڑی سے کنٹرول کھو دیاجس کے نتیجے میں ایک گہری کھائی میں جاگری اور گاڑی میں سوار تیرہ بچے زخمی ہوئے جبکہ ایک بالغ شخص بھی اس میں سوار تھا اس کے سمیت حادثے میں 14افراد زخمی ہونے کی اطلاع ہے ۔ پولیس ذرائع نے بتایا کہ پولیس نے اطلاع ملتے ہی بچاﺅ کارروائی شروع کی اور سبھی زخمی بچوںکو نزدیکی ہسپتال پہنچایا گیا جہاں سے دو زخمی بچوںکو راجوری کے میڈیکل کالج منتقل کیا گیا ہے ۔ اس حادثے کے حوالے سے پولیس نے رپورٹ درج کرکے معاملے کی تحقیقات شروع کردی ہے ۔