ڈی جی پی نے دورہ راجوری کے دوران سےکورٹی صورتحال کا لےا جائزہ
پولیس، فوج اور سی آر پی ایف افسران کے مشترکہ اجلاس کی صدارت کی

جموں، 16 مارچ: ڈائریکٹر جنرل آف پولیس، جموں و کشمیر، شری دلباغ سنگھ نے سرحدی ضلع راجوری کے اپنے دورے کے دوران راجوری پونچھ رینج کے سیکورٹی صورتحال کا جائزہ لینے کے لیے پولیس، فوج اور سی آر پی ایف کے افسران کی ایک مشترکہ میٹنگ کی صدارت کی۔ اس دوران ڈی جی پی کے ہمراہ اے ڈی جی پی جموں زون شری مکیش سنگھ بھی تھے۔میٹنگ میں مہمان افسران کے علاوہ جی او سی 25 انفنٹری ڈویژن شری وائی ایس اہلوت، جی او سی رومیو فورس شری موہت ترویدی، ڈی آئی جی راجوری پونچھ رینج ڈاکٹر محمد حسیب مغل، ایس ایس پی راجوری شری محمد اسلم، ایس ایس پی پونچھ شری روہت باسکوترا، کما نڈنٹ آئی آر پی 02 بٹالےن شری رندیپ کمار،کمانڈنٹ سی آر پی اےف 72بٹالےن شری رام مینا، اے اےس پی راجوری، اے اےس پی نوشہرہ اور ضلع کے دیگر دائرہ اختیاری گزیٹیڈ افسران شامل تھے۔میٹنگ سے خطاب کرتے ہوئے ڈی جی پی نے فوج اور انٹیلی جنس ایجنسیوں کے درمیان ہم آہنگی کو سراہا جنہوں نے پاکستان اور اس کی دہشت گرد ایجنسیوں کے ناپاک عزائم کو باقاعدگی سے ناکام بنایا ہے۔ انہوں نے آ پسی ہم آہنگی کو مزےد مضبوط بنانے اور تمام فورسز کے نچلی سطح پر ایک مضبوط انٹیلی جنس نیٹ ورک بنانے پر زور دیا۔ انہوں نے افسران کو ہدایت کی کہ وہ ضلع میں چھپے دہشت گردوں کا سراغ لگانے کے لیے اپنی کا وشےں جاری رکھیں۔ انہوں نے پاکستان اور اس کی ایجنسیوں کے ناپاک عزائم کو ناکام بنانے کے لیے سرحدوں کے ساتھ ساتھ اندرونی علاقوں میں بھی چوکس رہنے کی ہدایت کی۔ انہوں نے وی ڈی جیزکی خدمات کو زیادہ موثر اور منظم طریقے سے استعمال کرنے کے ساتھ ساتھ ایک مضبوط سرحدی انٹیلی جنس نیٹ ورک بنانے کے لیے ان علاقوں مےں تعئنات اےس پی اوز کی خدمات بہتر طرےقےسے استعمال کرنے پر زور دیا۔