دہلی سے قطر جانے والی انڈیگو پرواز میں مسافر کی موت، پاکستان میں طیارے کی ہنگامی لینڈنگ

نئی دہلی ،13مارچ/دارالحکومت دہلی سے دوحہ جانے والی انڈیگو طیارے کی پاکستان میں ہنگامی لینڈنگ کی گئی۔ آپ کو بتا دیں کہ میڈیکل ایمرجنسی کی وجہ سے اس پرواز کو کراچی، پاکستان کی طرف موڑ دیا گیا۔ ایئر لائن کے ایک اہلکار نے اس کی اطلاع دی ہے۔ بتایا جاتا ہے کہ طیارے میں سوار ایک مسافر کی موت ہو گئی ہے۔ انڈیگو ایئر لائن نے کہا کہ مسافر کو ہوائی اڈے پر طبی ٹیم نے مردہ قرار دے دیا تھا۔ بتا دیں کہ مسافر نائجیریا کا شہری ہے۔انڈیگو ایئر لائنز کی پرواز6 ای-61736 کا ایک مسافر پرواز کے خود کی طبیعت ناساز محسوس کر رہا تھا۔ اس کے بعد طیارہ کے پائلٹ نے کراچی ایئر ٹریفک کنٹرول سے رابطہ کیا اور طبی ہنگامی صورتحال سے آگاہ کیا۔ کراچی میں سول ایوی ایشن اتھارٹی کے ترجمان نے تصدیق کی کہ ہندوستانی ایئرلائن کی پرواز دہلی سے دوہا جا رہی تھی کہ دوران پرواز ایک مسافر بیمار ہو گیا۔انڈیگو فلائٹ کے پائلٹ نے میڈیکل ایمرجنسی کے باعث ہنگامی لینڈنگ کی اجازت مانگی تھی جسے کراچی ایئرپورٹ پر ایئر ٹریفک کنٹرولر نے منظور کرلیا۔ مسافر کی شناخت عبداللہ (60) کے طور پر ہوئی ہے جو نائجیریا کا شہری ہے۔ تاہم پرواز کے لینڈنگ سے قبل ہی ان کی موت ہو گئی۔ سی اے اے اور این آئی ایچ کے ڈاکٹروں نے مسافر کی موت کا سرٹیفکیٹ جاری کیا ہے۔