بورڈ کے سالانہ امتحانات کے بعد نئے تعلیمی سیشن کا آغاز ہوگا۔ ڈائریکٹرسکول ایجوکیشن

رجسٹریشن فیس وصول کرنے والے نجی اسکولوں کے خلاف سخت کارروائی کرے گا۔ ناظم تعلیم
سرینگر/09مارچ///محکمہ سکول ایجوکیشن نے جمعرات کو کہا کہ نئے تعلیمی سیشن کا باقاعدہ بورڈ کے سالانہ امتحانات کے اختتام کے فوراً بعد آغاز ہو گا۔انہوں نے کہا کہ ہم نئے اکیڈمیشین سیشن کے لیے تیار ہیں اور ہم نے ٹائم لائنز بھی مقرر کر دی ہیں۔انہوں نے بتایاکہ نئے تعلیمی سیشن میں کسی کا وقت ضائع نہیں ہوگا اور رواں برس وقت پر امتحان بھی ہوں گے اور نئے کلاس بھی شروع ہوں گے ۔ اس دوران ناظم تعلیم نے بتایاکہ جن پرائیویٹ سکولوں کے بارے میں رجسٹریشن فیس لینے کی شکایت ملے گی ان کے خلاف کارروائی ہوگی ۔ محکمہ سکول ایجوکیشن نے جمعرات کو کہا کہ نئے تعلیمی سیشن کا باقاعدہ بورڈ کے سالانہ امتحانات کے اختتام کے فوراً بعد آغاز ہو گا۔ ڈائریکٹر سکول ایجوکیشن کشمیرتصدق حسین میر نے ایک تقریب کے موقع پر صحافیوں سے بات کرتے ہوئے کہا کہ جاری امتحانات کے اختتام کے فوراً بعد نیا تعلیمی سیشن شروع ہو جائے گا۔انہوں نے کہا کہ ہم نئے اکیڈمیشین سیشن کے لیے تیار ہیں اور ہم نے ٹائم لائنز بھی مقرر کر دی ہیں۔ان مہینوں کی ٹرانسپورٹ فیس کے بارے میں پوچھے جانے پر جن کے دوران اسکول بند تھے، انہوں نے کہا کہ پرائیویٹ اسکول کے طلباءان مہینوں کے دوران ان خدمات کی ادائیگی کے ذمہ دار نہیں ہیں۔انہوں نے کہا کہ پہلے تعلیمی سیشن دسمبر میں ختم ہوتا تھا لیکن اب یہ مارچ میں تبدیل ہو گیا ہے۔ جاری سیشن سالانہ باقاعدہ بورڈ امتحانات کے اختتام کے بعد ختم ہو جائے گا۔کچھ نجی اسکولوں کی طرف سے داخلہ فیس وصول کرنے کے لیے حکومتی ہدایات کی خلاف ورزی کے بارے میں، میر نے کہا کہ جہاں بھی انہیں تحریری شکایات موصول ہوں گی، وہ خلاف ورزی کرنے والوں کے خلاف سخت کارروائی کریں گے