اینٹی کرپشن بیورو نے کولگام میں لائن مین کو تین ہزار روپیہ کی رشوت لیتے ہوئے رنگے ہاتھوں گرفتار کیا /ترجمان

اینٹی کرپشن بیورو نے کولگام میں لائن مین کو تین ہزار روپیہ کی رشوت لیتے ہوئے رنگے ہاتھوں دھر دبوچ کر سلاخوں کے پیچھے دھکیل دیا۔ اینٹی کرپشن بیورو میں سائل نے تحریری طورپر شکاٰت درج کی کہ سب ڈویژن کولگام میں تعینات لائن مین محد یوسف ڈار ولد عبدالرحمن ساکن سرندو کولگام بجلی بل کو نپٹانے کی خاطر تین ہزار روپیہ کی رشوت طلب کر رہا ہے۔ شکایت کنندہ کے مطابق تیرہ ہزار 376روپیہ کی بل کو نپٹانے کی خاطر تین ہزار روپیہ کی رشوت طلب کرنے کے بعد اے سی بی کا دروازہ کھٹکھٹایا۔ اے سی بی ترجمان کے مطابق شکایت موصول ہونے کے بعد اینٹی کرپشن بیورو نے اس ضمن میں 1کے تحت کیس درج کرکے تحقیقات شروع کی۔ انہوں نے بتایا کہ رشوت خور لائن مین کو دھر دبوچنے کی خاطر ایک جال بچھایا گیا جس دوران اُس کو سائل سے تین ہزار روپیہ کی رشوت لیتے ہوئے رنگے ہاتھوں دھر دبوچ کر سلاخوں کے پیچھے دھکیل دیا گیا۔ انہوں نے بتایا کہ اس سلسلے میں مزید تحقیقات جاری ہے۔