لاپتہ شہری کی لاش دریائے جہلم سے برآمد

پولیس نے لاش کو لواحقین کے حوالی کر رپورٹ درج کی
ریورپولیس نے سوموار کے روز سرینگر میں دریائے جہلم سے ایک عمر رسیدہ شخص کی لاش برآمد کی جس سے متعلق بتایا جاتا ہے کہ وہ گزشتہ کئی روز سے لاپتہ تھا۔ریور پولیس نے سوموار کے روز بڈشاہ پل اور امیراکدل کے درمیان دریائے جہلم سے لاش برآمد کی ہے ۔ مرنے والے شخص کی شناخت 70 سالہ غلام محمد بٹ کے طور پر کی گئی ہے جو رام باغ کا رہائشی ہے جو گزشتہ ماہ 26 دسمبر کو لاپتہ ہو گیا تھا۔پولیس نے قانونی کارروائی کے بعد لاش ورثاءکے حوالے کر دی۔ اس سلسلے میں پولیس نے متعلقہ قانون کے تحت مقدمہ درج کر لیا ہے۔