دنیا میں ہلاکت خیز کورونا وائرس سے اب تک 46.59 لاکھ افراد ہلاک

واشنگٹن/(یو این آئی) ہلاکت خیز وبا کورونا وائرس (کووڈ 19) پوری دنیا میں رکتی ہوئی دکھائی نہیں دے رہی اور اب تک 46.59 لاکھ سے زائد افراد اس بیماری کی وجہ سے ہلاک ہوچکے ہیں جبکہ اس کے متاثرین کی تعداد بڑھ کر 22.63 کروڑ ہوگئی ہے ۔ امریکہ کی جان ہاپکنز یونیورسٹی کے سینٹر فار سائنس اینڈ انجینئرنگ (سی ایس ایس ای ) کے جاری کردہ تازہ ترین اعداد و شمار کے مطابق دنیا کے 192 ممالک اور خطوں میں جان لیوا کورونا متاثرین کی تعداد بڑھ کر 22 کروڑ 63 لاکھ 56 ہزار 635 جبکہ 46 لاکھ 59 ہزار 411 افراد ہلاک ہوچکے ہیں۔ کورونا وائرس سے دنیا بھر سب سے زیادہ اور بری طرح متاثر امریکہ میں کورونا وائرس کی رفتار ایک بار پھر تیز ہوگئی ہے ۔ یہاں متاثرہ افراد کی تعداد 4.15 کروڑ سے تجاوز کرچکی ہے اور 6.66 لاکھ سے زیادہ افراد ہلاک ہوچکے ہیں۔ کورونا وائرس سے متاثر ہونے کے معاملہ ہندوستان دنیا میں دوسرے اور ہلاک شدگان کے لحاظ سے تیسرے نمبر پر ہے ۔ گزشتہ 24 گھنٹوں کے دوران ملک میں کورونا کے 30570 نئے کیسز کی تصدیق ہوئی ہے ، جس کی وجہ سے متاثرہ افراد کی تعداد 3 کروڑ 33 لاکھ 47 ہزار 325 ہوگئی ہے ۔ اس دوران 38303 مریضوں کی صحت یابی کے بعد کورونا سے شفایاب لوگوں کی تعداد تین کروڑ 25 لاکھ 60 ہزار 474 ہو گئی ہے ۔ ایکٹیو کیسز 8164 سے گھٹ کر تین لاکھ 42 ہزار 923 رہ گئے ہیں۔ اسی عرصے میں 431 مریضوں کی موت کے ساتھ ہلاکتوں کی تعداد بڑھ کر 443928 ہوگئی ہے ۔ ملک میں فعال کیسز کی شرح اب 1.03 فیصد جبکہ اموات کی شرح 1.33 فیصد ہے۔ روس میں اب تک 70.91 لاکھ سے زائد افراد کورونا وائرس سے متاثر جبکہ 1.91 لاکھ سے زائد مریض ہلاک ہو چکے ہیں۔ فرانس میں کورونا سے متاثرہ افراد کی تعداد 70.07 لاکھ سے تجاوز کر گئی ہے اور اس جان لیوا وبا کی وجہ سے 1.16 لاکھ سے زائد افراد ہلاک ہو چکے ہیں۔ ترکی میں کورونا متاثرین کی کل تعداد 67.38 لاکھ سے تجاوز کر گئی ہے اوراب تک 60641 افراد ہلاک ہو چکے ہیں۔ انڈونیشیا میں کورونا وائرس کے ڈیلٹا ویرینٹ کے بہت تیزی سے پھیلنے کی وجہ سے صورتحال بہت خراب ہو گئی ہے ۔ یہاں کورونا وائرس کے کیسز 41.78 لاکھ سے تجاوز کر گئے ہیں جبکہ 139682 افراد ہلاک ہو چکے ہیں۔