جموں کشمیر کے مہاراجہ پہلے ہی بھارت کے ساتھ الحاق کے حق میں تھے

ملک کے پہلے وزیر اعظم نے ان کی تجویز کو سنجیدگی سے نہیں لیا تھا جو ایک تواریخی غلطی ہے ۔ کرن ریجو
سرینگر/مرکزی وزیر برئے قانون و انصاف کرن ریجونے کہا ہے کہ بھارت کے پہلے وزیر اعظم جواہر لال نہروں نے جموں کشمیر کے حوالے سے تاریخی غلطی کرتے ہوئے 1947سے پہلے ہی مہاراجہ ہری سنگھ کی جانب سے بھارت کے ساتھ الحاق کی تجویز پر کوئی توجہ نہیں دی جس کی وجہ سے یہ مسئلہ بعد میں پیچیدہ بنتا گیا ۔ ملک کے پہلے وزیراعظم آنجہانی پنڈت جواہرلال نہروں کے یوم پیدائیش کے موقعے پرانصاف قانون کے مرکزی وزیرکرن ریجو نے بھارت کے پہلے وزیر اعظم پر الزام لگایا کہ انہوںنے جموں کشمیر کے حوالے سے پانچ بڑی غلطیاں کی ہیں ۔ انہوں نے کہا کہ جموں کشمیر کے اُس وقت کے مہاراجہ ہری سنگھ نے 1947میں انگریزوں سے چھٹکارا ملنے سے پہلے بھارت کے ساتھ الحاق کے حق میں تھے اور اس کےلئے انہوں نے اپنی تجویز بھی بھارت کو بھیج دی تھیں تاہم اُس وقت کے وزیر اعظم جواہر لال نہرو نے اس طرف کوئی توجہ نہیں دی ۔ کرن ریجو نے کہا کہ قوم اس طرح کی تواریخی غلطیوں کو کبھی بھی معاف نہیں کرے گی ۔ ملک کے پہلے وزیر اعظم جواہر لال نہرو کی سالگرہ کے موقعے پر مرکزی وزیر نے اپنے بیان میں کہا کہ ان کے دور حکومت میں ہی مسئلہ کشمیر اقوام متحدہ تک پہنچا جو عالمی توجہ کا مرکز بن گیا ۔ انہوںنے بتایا کہ موجودہ سرکار نے دلیری سے کام لیکر یہ مسئلہ ہمیشہ کےلئے ختم کردیا جو کہ مودی حکومت کا ایک تواریخی فیصلہ تھا۔