کولگام میں منشیات فروش کو گرفتار، ممنوعہ مادہ برآمد

سماج سے منشیات کو ختم کرنے کی کوششوں کو جاری رکھتے ہوئے کولگام میں پولیس نے ایک منشیات فروش کو گرفتار کیا ہے اور اس کے قبضے سے ممنوعہ مادہ برآمد کیا ہے۔ اطلاعات کے مطابق پولیس پوسٹ فرصل کی پولیس پارٹی نے ٹنگبل کراسنگ کے قریب ناکہ چیکنگ پر ایک گاڑی زیر نمبر JK08E-1795 جس کو ڈرائیور سلیم محمد فقیر وولد لیاقت علی ساکن بسولی کو روک کر تلاشی شروع کی ۔ دوران تلاشی اس کے قبضے سے 10کلوگرام خشخاش پوست کا بھوسہ برآمد کیا۔ اس کوگرفتار کیا گیا ۔ اس جرائم میں ملوث گاڑی کو بھی قبضے مین لے لیا گیا ۔ اسی مناسبت سے ایف آئی آر نمبر 84/2022 کے تحت قانون کی متعلقہ دفعات کے تحت تھانہ یاری پورہ میں مقدمہ درج کر کے تفتیش شروع کر دی گئی ہے۔کمیونٹی ممبران سے درخواست کی جاتی ہے کہ وہ اپنے پڑوس میں منشیات کی فروخت سے متعلق کسی بھی معلومات کے ساتھ آگے آئیں۔ منشیات فروشی میں ملوث پائے جانے والے افراد کے خلاف قانون کے مطابق کارروائی کی جائے گی۔