مودی نے فیصلہ کیا ہے کہ غریبوں کا پیسہ غریبوں تک پہنچے گا۔ امت شاہ

امت شاہ نے تقریباً 2000 کروڑ روپے کے 240 ترقیاتی پروجیکٹوں کا افتتاح اور سنگ بنیاد رکھا
سرینگر/وزیر داخلہ امت شاہ نے اپنے دورہ کشمیر کے دوران قریب دو ہزار کروڑ روپے کے 240ترقیاتی پروجیکٹوں کا افتتاح کیا اور متعدد پروجیکٹوں کا سنگ بنیاد رکھا۔ ان پروجیکٹوں میں کشمیر ڈویژن میں گیارہ شہری ترقیاتی منصوبے تھے جن میں 74سڑکیں جو کہ 434.37کلومیٹر لمبی ہیں جبکہ 7پُلوں کا بھی انہوں نے افتتاح کیا ۔ اس دوران وزیر داخلہ نے 20پاور ڈسٹری بیوشن ، ٹرانسمشن پروجیکٹوں ، آئی پی ڈی بلاک، سب ڈسٹرکٹ ہسپتال بجباڑہ کا بھی ای افتتاح کیا ۔ اس کے علاوہ امت شاہ نے بابادریادین گاندربل ، الو پورہ ، شوپیاں ، فیز 1اوقر سنبل میں ترانزٹ رہائش کا بھی ای افتتاح کیا ۔ اس موقعے پر اپنے خطاب میں وزیر داخلہ نے کہا کہ پیر پنجال اور چناب کی پہاڑیاں اور وادی کشمیر کا یہ خطہ دنیا کے خوبصورت ترین خطوں میں شمار ہوتا ہے۔ وزیر اعظم نریندر مودی نے جموں و کشمیر کی ترقی کے لیے جو کام کیا ہے اس کی خوشی یہاں کے لوگوں کے چہروں پر صاف نظر آرہی ہے۔ انہوں نے کہا کہ جموں و کشمیر کے ہر گاو¿ں میں جمہوریت لے جانے کا سب سے بڑا کام وزیر اعظم مودی نے کیا ہے۔پہلے غریبوں کا پیسہ کرپشن کی وجہ سے ضائع ہو جاتا تھا، مودی جی نے فیصلہ کیا ہے کہ غریبوں کا پیسہ غریبوں تک پہنچے گا۔