القاعدہ کا یمن میں علیحدگی پسندوں پر حملہ، 27 ہلاک

جنگ زدہ ملک میں کئی ماہ سے جاری امن کو بڑا دھچکا لگا
صنعا: ۷ ستمبر (ایجنسیز) یمن کے شہر عدن میں القاعدہ کے حملے میں 21 علیحدگی پسند جنگجوو¿ں کے ساتھ ساتھ اور القاعدہ کی یمن برانچ کے 6 شدت پسند بھی ہلاک ہوگئے جس سے جنگ زدہ ملک میں کئی ماہ سے جاری امن کو بڑا دھچکا لگا ہے۔ یمن کے حکومتی ذرائع کا کہنا ہے کہ منگل کو جزیرہ نما عرب کی القاعدہ (اے کیو اے پی) نے یمن کے جنوبی شہر ابین میں اقوام متحدہ کے سیکیورٹی بیلٹ گروپ کے زیر قبضہ ایک ٹھکانے پر حملہ کیا۔ یہ حملہ ا±س وقت کیا گیا جب جہادی گروپ نے چند دن قبل ہی 6 ماہ قبل ابین سے اغوا کیے گئے اقوام متحدہ کے ایک کارکن کی ویڈیو جاری کی۔ ایک سرکاری اہلکار نے نام ظاہر نہ کرنے کی شرط پر بتایا کہ 2 سیکیورٹی ذرائع نے تصدیق کی ہے کہ تقریباً 3 گھنٹے تک جاری رہنے والی لڑائی میں ایک سیکیورٹی افسر سمیت 21 (سیکیورٹی بیلٹ) افسران اور القاعدہ کے 6 جنگجو ہلاک ہو گئے۔ واضح رہے کہ ستمبر 2014 میں ایران کی حمایت یافتہ حوثی باغیوں کے دارلحکومت صنعا پر قبضہ کے بعد سے یمن تتنازعات کی لپیٹ میں ہے، اس قبضے کے بعد سعودی عرب کی زیر قیادت افواج نے مقامی حکومت کی حمایت کے لیے یمن پر چڑھائی کردی تھی۔ جزیرہ نما عرب کی القاعدہ اور عسکریت پسند تنظیم داعش کے وفادار انتہا پسند ملک میں افراتفری کو پھیلا رہے ہیں۔ جنوبی یمن کی علیحدگی پسند فورس تصور کی جانے والی سیکیورٹی بیلٹ نے جہادیوں کے خلاف لڑائی میں فیصلہ کن کردار ادا کیا ہے جس نے انہیں قصبوں سے دیہی علاقوں کی جانب پیچھے ہٹنے پر مجبور کیا تھا۔ یہ حملے ایسے وقت میں ہوئے جب حوثی اور برطرف حکومت کی حمایت کرنے والی فورسز کے درمیان جنگ بندی جاری ہے۔ یاد رہے 1990 میں شمالی اور جنوبی یمن کا اتحاد عمل میں آیا تھا جس کے بعد شمالی اور جنوبی یمن تقسیم ہوگئے تھے۔