ڈویژنل کمشنر کشمیر اور آئی جی پی نے سرینگر ہوا ئی اڈے سےعازمین کے پہلے قافلے کی روانگی کےلئے انتظامات کا جائزہ لیا

سرینگر/حج 2024کے سلسلے میں وادی کشمیر سے جمعرات کو پہلا قافلہ سرینگر کے ائر پورٹ سے روانہ ہوا ۔ اس دوران ڈویژنل کمشنر کشمیر وجے کمار بدھوری کے ہمراہ آئی جی پی کشمیر وی کے بردی نے عازمین کی روانگی کے لئے کئے گئے انتظامات کا جائزہ لیا ۔ اس موقعے پر ڈپٹی کمشنر بڈگام اکشے لابرو ، ایس ایس پی بڈگام نکھل بورکر ، ڈائریکٹر انٹرنیشنل ائیر پورٹ اور دیگر متعلقہ افسران بھی موجود تھے ۔ اس موقع پر ڈویژنل کمشنر نے عازمین حج سے بات چیت کی اور انہیں اپنی مبارکباد اور نیک خواہشات کا اظہار کیا۔دورے کے دوران ڈویژنل کمشنر نے پینے کے صاف پانی کی دستیابی، طبی سہولیات، ریفریشمنٹ، رضاکارانہ خدمات اور ایئرپورٹ کے احاطے کے اندر اور باہر ٹریفک کے انتظام کے علاوہ امیگریشن چیک کی سہولیات اور سامان لے جانے کی سہولیات کا بھی جائزہ لیا۔انہوں نے متعلقہ حکام کو ہدایت کی کہ روانگی کے شیڈول کے اختتام تک تمام عازمین کی بغیر کسی پریشانی کے روانگی کو یقینی بنایا جائے۔دریں اثنا 642 عازمین کے پہلے گروپ نے دو پروازوں میں اس سال کے حج کے لیے سری نگر کے بین الاقوامی ہوائی اڈے سے اڑان بھری جس نے عازمین کے تبدیلی کے سفر کا آغاز جوش اور امید سے کیا۔جموں و کشمیر کے یوٹی کے کل 7008 عازمین حج اس سال حج کا فریضہ اداکررہے ہیں ۔