ایل جی سنہا نے سری نگر کے لال چوک سے سی آر پی ایف خواتین کی بائیک ریلی کو جھنڈی دکھا کر روانہ کیا

 سرینگر/جموں و کشمیر کے لیفٹیننٹ گورنر منوج سنہا نے منگل کو وسطی کشمیر کے ضلع سری نگر کے مشہور لال چوک علاقے سے  سی آف پی  ایف خواتین کی بائیک ریلی کو جھنڈی دکھا کر روانہ کیا۔ایکس پر ایک پوسٹ میں، ایل جی سنہا نے لکھا،وومن بائیک مہم کو مشہور لال چوک، سری نگر سے جھنڈی دکھا کر روانہ کیا گیا۔ یہ مہم 2134 کلومیٹر سے زیادہ کا فاصلہ طے کرتی ہوئی، 40 اضلاع کو عبور کرتی ہوئی 31 اکتوبر کو  سابق نائب وزیر اعظم اور جدید ہندوستان کو یکجا کرنے والے، سردار ولبھ بھائی پٹیل کے  یوم پیدائش کے موقع پر ایکتا نگر، گجرات پہنچے گی۔یشسوینی، سی آر پی ایف کے ویرانگنوں کی خواتین کی بائیک مہم ناری شکتی کی لچک اور طاقت کی علامت ہے۔ سی آر پی ایف کے ویرانگنوں نے ملک کی سالمیت اور خودمختاری کی حفاظت کرتے ہوئے بہت سے مشکل حالات میں بے مثال بہادری، عزم اور ہمت کا مظاہرہ کیا ہے۔لیفٹیننٹ گورنر نے کہا کہ یہ بائیک مہم خواتین کی طاقت کی قربانی، ان کے خود اعتمادی کی بھی علامت ہے اور آج وہ مختلف شعبوں میں ہمت، عزم اور لگن کے ساتھ کئی سنگ میل حاصل کر رہی ہیں۔انہوں نے کہا، "ناری شکتی کو بااختیار بنانا اور مکمل حقوق جموں و کشمیر انتظامیہ کا عزم اور اولین ترجیح ہے۔ ہماری بیٹیاں ایک پرجوش معاشرے کے خوابوں کو پورا کرنے کے لیے تعلیمی، تحقیق، اختراع اور کاروباری شعبے میں کامیابیاں سمیٹ رہی ہیں۔ناری شکتی جموںو کشمیر  کے ترقی کے سفر میں اہم کردار ادا کر رہی ہے اور وہ وکست بھارت کے لیے بھی بہت زیادہ تعاون کر رہے ہیں۔ یہ ناری شکتی ہی ہے جو مستقبل میں انسانی وقار اور سماجی مساوات کو یقینی بنائے گی۔