ضلع ترقیاتی کمشنر کولگام نے ڈسٹرکٹ گڈ گورننس اِنڈکس کا جائزہ لیا

ضلع ترقیاتی کمشنر کولگام ڈاکٹر بلال محی الدین بٹ نے آج منی سیکرٹریٹ کو لگام میں دسٹرکٹ گڈ گورننس اِنڈکس کے تحت اِشاریوں کی کارکردگی کا جائزہ لینے کے لئے لائن ڈیپارٹمنٹوں کے متعلقہ اَفسران کی ایک میٹنگ منعقد کی۔حکومت جموںوکشمیر یوٹی نے گڈ گورننس اِنڈکس اِنتظامیہ اِصلاحات او رعوامی شکایات محکمہ ( ڈی اے آر پی جی ) کے ساتھ تیار کیا ہے ، 10گورننس شعبوں کے تحت کار کردگی پر مبنی ہے جس میں 58 اِشارے ہیں جو ضلعی سطح پر مختلف حکومتی اَقدامات کے اَثرات کا جائزہ لیتے ہیں اور مستقبل کا روڈ میپ،ضلعی سطح پر گورننس او رخدمات کی فراہمی کو بہتر بنانے کے لئے فراہم کرتے ہیں ۔ضلع ترقیاتی کمشنر نے صحت عامہ ،پبلک اِنفراسٹرکچر ، زراعت ، اِنسانی وَسائل کی ترقی ، مالیاتی شمولیت ، سماجی بہبود اور دیگر شعبوں کے وسیع شعبوں کے تحت اَب تک کی کارکردگی کا تفصیلی سیکٹر اور اِشاریہ وار جائزہ لیا۔ڈاکٹر بلال محی الدین نے تمام ضلعی سربراہان پر زور دیا کہ وہ ڈیتا اِکٹھا کرنے ، سکریننگ او رتصدیق کے مناسب عمل پر عمل کرتے ہوئے درست طریقے سے اِشارے پیش کریں۔اُنہوں نے اہدافی نقطہ نظر سے مو¿ثر کوآرڈی نیشن سے کام کرتے ہوئے آنے والے سال کے دوران اِن ترقیاتی پیرا میٹروں کو بہتر بنانے کی ضرورت پر زور دیا۔میٹنگ میں اے ڈی ڈی سی شوکت احمد راتھر ، اے ڈی سی وقار احمد گیری ، اے سی آر ، جی ایم ڈی آئی سی ، اے سی ڈی ، اے سی پی ، سی پی او اور محکموں کے دیگر ضلعی اَفسران نے شرکت کی۔