سرینگر میں ایک دوشیزہ نے خود کشی کرلی

سرینگر میں ہفتہ کے روزی ایک دوشیزہ نے مبینہ طور پر خود کو رسی کے پھندے سے پھانسی دیکر اپنی زندگی کا خاتمہ کیا ہے ۔ پولیس نے اس سلسلے میں رپورٹ درج کرلی ہے ۔ اطلاعات کے مطابق سرینگر کے الٰہی باغ علاقے میں ایک 22سالہ دوشیزہ نے نامعلوم وجوہات کی بناءپر اپنے کمرے میں رسی سے لٹکتے ہوئے خود کو پھانسی دی۔ اس دوران اگرچہ اسے فوری طور پر سکمز صورہ پہنچایا گیا تاہم ڈاکٹروں نے اسے مردہ قراردیا ہے ۔ معلوم ہو اہے کہ مہلوک دوشیزہ کا تعلق ضلع کرگل سے تھا اوراس وقت وہ الٰہی باغ سرینگر میں مقیم تھیں۔ پولیس نے اس ضمن میں رپورٹ درج کرکے معاملے کی چھان بین شروع کردی ہے ۔ یاد رہے کہ وادی کشمیر میں نوجوان لڑکیوں اور لڑکوں کی جانب سے خود کشی کے واقعات میں تشویشناک حد تک اضافہ ہوا ہے ۔ گزشتہ دنوں پٹن میں ایک لڑکے نے خود کشی کرلی جبکہ اس سے چند روز پہلے سوپور میں ایک دوشیزہ نے خود کشی کرلی جبکہ بارہمولہ میں بھی ایک دوشیزہ نے خود کشی کرلی تھی اس طرح سے صرف ایک مہینے میں وادی کشمیر کے مختلف علاقوں میں 5افراد نے اپنی زندگی کا خاتمہ کیا ہے ۔