بغداد(یو این آئی) مشرقی عراق کے ایک گا¶ں پر آئی ایس آئی ایس کے حملے میں کم از کم 11 شہری ہلاک اور متعدد زخمی ہو گئے ہیں۔الجزیرہ نے سیکیورٹی فورسز کا حوالہ دیتے ہوئے اپنی رپورٹ میں کہا ہے کہ صوبہ دیالہ میں مقدادیہ شہر کے قریب الحواشہ گا¶ں میں منگل کے حملے میں متعدد شہریوں کو نشانہ بنایا گیا۔دریں اثناءعراقی صدر براہم صالح نے ٹوئٹر پر حملے کی مذمت کرتے ہوئے کہا کہ یہ عراق کو غیر مستحکم کرنے کی گھنا¶نی کوشش ہے ۔قبل ازیں صوبائی پولیس نے علاءالسعدی کے حوالے سے بتایا کہ یہ حملہ گزشتہ شام اس وقت ہوا جب داعش کے جنگجو¶ں نے شہریوں کے ایک گروپ پر اسنائپر رائفلوں سے فائرنگ کی۔ انہوں نے کہا کہ عراقی سیکورٹی فورسز نے موقع پر پہنچ کر حملہ آوروں کی تلاش کے لیے علاقے میں سرچ آپریشن شروع کر دیا۔قابل ذکر ہے کہ اس سے چند ماہ قبل داعش کے جنگجو¶ں نے کئی صوبوں میں عراقی سیکورٹی فورسز پر اپنے حملوں میں شدت پیدا کر دی تھی، ان علاقوں پر پہلے دہشت گردوں کا قبضہ تھا۔