اجس بانڈی پورہ میں نامعلوم بندوق برداروں نے غیر مقامی مزدور کو ہلاک کیا

جنوبی کشمیر کے بجبہاڑہ قصبے میں ایک ایس پی او پر بندوق برداروں نے گولیاں چلاکر زخمی کردیا
اجس بانڈی پورہ میں نامعلوم بندوق برداروں نے ایک غیر مقامی مزدور کو گولی مار کر ہلاک کردیا ہے ۔ جبکہ بجبہاڑہ اننت ناگ میں مسلح افراد نے ایک ایس پی او پر حملہ کرکے اسے زخم کردیا ہے ۔ شمالی کشمیر کے اجس بانڈی پورہ میں نامعلوم بنددوق برداروں نے ایک غیر مقامی مزدور کا گولی مار کر قتل کر دیا گیا۔ غیر مقامی مزدور کا نام محمد عمریز تھا اور وہ بہار کے مدھے پورہ کا رہائشی تھا اور اس کی عمر 19 سال تھی۔ذرائع کے مطابق یہ واقعہ بانڈی پورہ کے اجس کے مقام پر پیش آیا۔ گولی لگنے کے بعد مزدور کو اسپتال لے جایا گیا، جہاں اسے مردہ قرار دے دیا گیا۔رپورٹ کے مطابق غیر مقامی مزدور کے قتل کی وارادات جمعہ کو علی الصبح انجام دی گئی۔ اطلاع موصول ہونے پر پولیس موقع پر پہنچی اور حملہ آوروں کی تلاش میں محاصرہ کر کے تلاشی مہم شروع چلائی گئی۔ مقتول عمریز مزدوری کرنے کے لئے کشمیر آیا ہوا تھا۔ بقیہ تفصیل معلوم کی جا رہی ہیں۔یاد رہے کہ وادی کشمیر میں غیر مقامی مزدوروں پر ایک ہفتہ کے دوران یہ دسرا حملہ ہے۔ گزشتہ ہفتہ بہار کے رہنے والے غیر مقامی مزدور محمد ممتاز کو قتل کر دیا گیا تھا۔ ملی ٹینٹوں نے پلوامہ ضلع کے گاڈورہ گاوں میں غیر مقامی مزدور پر دستی بم پھینکا تھا، جس سے اس کی موقع پر ہی موت واقع ہو گئی تھی، جبکہ دیگر دو افراد زخمی ہو گئے تھے۔دریں اثناءجنوبی کشمیر کے ضلع اننت ناگ کے قصبہ بجبہاڑہ کے کور کدل میں نامعلوم بندوق برداروں نے جمعہ کے روز ایک ایس پی او غلام قادر پر اُس وقت گولیاں چلاکر زخمی کردیا جب وہ دارا شکوہ پارک میں موجود تھا ۔ ایس پی او کو فوری طور پر نزدیکی ہسپتال پہنچایا گیا جہاں سے اسے سرینگر منتقل کیا گیا ہے ۔ پولیس ذرائع نے اس واقعے کی تصدیق کرتے ہوئے کہا کہ حملہ آوروں کی تلاش بڑے پیمانے پر شروع کردی گئی ہے ۔