جنوبی کشمیر میں جنگلی جانوروں کو پکڑنے کےلئے وائلڈ لائف سرگرم

گزشتہ سات دنوں کے دوران اچھہ بل رینج میں دو درجن ریچھوں کو زندہ پکڑا گیا
جنوبی کشمیر میں محکمہ وائلڈلائف کی جانب سے گزشتہ سات دنوں میں دو درجن ریچھوں کو زندہ پکڑ لیا گیا ہے جس کے نتیجے میں مقامی لوگوں نے راحت کی سانس لی۔ ادھر محکمہ نے لوگوں کو مشورہ دیا ہے کہ وہ اندھیرے میں بغیر روشنی اور اکیلے میں گھروں سے باہر نکلنے میں گریز کریں اور اگر کسی بھی جگہ کسی جنگلی جانوری کی موجودگی کا پتہ چلے تو فوری طور پر محکمہ کو مطلع کریں۔ جنوبی کشمیرمیں جنگلی جانوروں کی موجودہ سے جہاں لوگوں کی زندگی اجیرن بن چکی ہے وہیں محکمہ وائلڈ لائف رینج اچھبل نے جنگلی جانوروں کو پکڑنے کی کارروائی شروع کی ہے اس سلسلے میں محکمہ وائلڈ لائف نے کوکاگنڈ، ہالن،کھاہ گنڈ،گلاب باغ، کنڈ، مننز مو، کپرن اور یمو ویری ناگ علاقوں میں گزشتہ سات دنوں کے دوران دو درجن ریچھوں کو زندہ پکڑنے میں کامیابی حاصل کرلی ہے اور ان کو وایلڈ لایف سنچری ڈکسم منتقل کیا گیا جس کے نتیجے میں مقامی لوگوں نے راحت کی سانس لی۔ ادھر رینج آفسر واہلڈ لایف اچھبل رینج امتیاز احمد نے لوگوں سے کہا ہے کہ سردیوں کے ایام میں جب جنگلات برف سے بھرے پڑے ہوتے ہیں جنگلی جانورکھانے کی تلاش میں بستیوں کی طرف آتے ہیں اس لئے لوگوں کو چاہئے کہ وہ اندھیرے میں اور اکیلے اپنے گھروں سے باہر نہ آئیں۔ انہوں نے بتایا کہ اگر کسی بھی جگہ کسی بھی جنگلی جانور کو دیکھا جائے تو فوری طور پر محکمہ وائلڈ لائف کو مطلع کریں۔