وائرس کے زیادہ معاملات جن ممالک میں ہیں وہاں ان پر پابندی برقرار
بھارت نے انٹرنیشنل فلائٹس کو 15سمبر سے بحال کرنے کافیصلہ کیاہے۔ شہری ہوابازی کی وزارت نے بتایا ہے کہ اس فیصلے سے ملک میں سیاحت اور اقتصادیات کو فروغ ملے گا۔ شہری ہوا بازی کی وزارت نے مزید کہا کہ بین الاقوامی پروازیں شروع کرنے سے پہلے مختلف ممالک میں کورونا کے خطرے کی بنیاد پر تین کیٹگریز بنائی جائیں گی۔ وزارت کے مطابق، اس زمرے میں شامل ممالک کے لیے مختلف کووڈ قواعد نافذ کئے جائیں گے۔اطلاعات کے مطابق طویل انتظار کے بعد اب ایک بار پھر باقاعدہ طور سے بین الاقوامی پروازیں جلد شروع ہو سکتی ہیں۔ ذرائع کے مطابق حکومت 15 دسمبر سے مستقل بنیادوں پر بین الاقوامی پروازوں کی اجازت دے رہی ہے۔
تاہم ان ممالک کے لیے پروازوں پر پابندی برقرار رہے گی جہاں کورونا وائرس کا انفیکشن اب بھی پھیلا ہوا ہے۔ اس سے قبل وزارت شہری ہوا بازی کی جانب سے بھی بین الاقوامی پروازوں کے حوالے سے بڑا اعلان کیا گیا تھا۔ذرائع کا کہنا ہے کہ تقریباً 14 ایسے ممالک ہیں جو پروازیںشروع ہونے کا انتظار کر رہے تھے، کورونا کیسز کی بحالی کے باعث ان تمام ممالک میں پابندیاں بدستور نافذ رہیں گی۔ ممنوعہ ممالک کی فہرست میں یورپی یونین اور کچھ دوسرے ممالک بھی شامل ہیں جہاں کورونا کا نیا ویریئنٹ سامنے آیا ہے۔ حکومت کی طرف سے پہلے ہی کہا جا چکا ہے کہ اس سال کے آخر تک کووڈ کی وجہ سے پروازوں پر عائد پابندی ہٹا دی جائے گی۔شہری ہوا بازی کی وزارت نے کہا کہ بین الاقوامی پروازیں شروع کرنے سے پہلے مختلف ممالک میں کورونا کے خطرے کی بنیاد پر تین کیٹگریز بنائی جائیں گی۔ وزارت کے مطابق، اس زمرے میں شامل ممالک کے لیے مختلف کووڈ قواعد نافذ کئے جائیں گے۔آپ کو بتاتے چلیں کہ طے شدہ بین الاقوامی پروازوں پر پابندی مارچ 2020 سے نافذ ہے۔ اب کووڈ کی صورتحال کو سمجھتے ہوئے حکومت آہستہ آہستہ پروازوں پر سے پابندی ہٹانے کا فیصلہ لے رہی ہے۔ دریں اثنا، سیاحت کی صنعت حکومت پر پروازوں پر پابندی ہٹانے کے لیے دباو¿ ڈال رہی ہے۔ سیاحت کی صنعت نے ان ممالک کے لیے پروازیں شروع کرنے کی درخواست کی ہے جہاں کورونا کنٹرول میں ہے۔حکومت نے اس سے قبل سیاحت کی صنعت کو فروغ دینے کے لیے 15 اکتوبر سے سیاحوں کو چارٹرڈ طیارے کے ذریعے آنے کی اجازت دی تھی اور اس کے بعد 15 نومبر سے بین الاقوامی پروازیں شروع کرنے کا اعلان کیا تھا۔ تاہم یورپ اور کئی ممالک میں کورونا انفیکشن کے دوبارہ شروع ہونے کی وجہ سے پروازیں شروع نہیں ہو سکی تھیں۔
