ملک میں کورونا انفیکشن سے مزید 500 مریضوں کی موت

نئی دہلی(یو این آئی) ملک میں گزشتہ 24 گھنٹوں میں کورونا سے شفایاب ہونے والے مریضوں کے مقابلے نئے کیسز میں اضافے کی وجہ سے فعال کیسوں میں اضافہ ہوا ہے ، جب کہ اس دوران کورونا وبا کی وجہ سے تقریباً 500 مزید لوگوں کی موت ہوئی ہے ۔ جمعرات کی دیر رات تک ملک میں کورونا انفیکشن کے 10549 نئے کیس کے اندراج کے ساتھ ہی متاثرین کی کل تعداد بڑھ کر تین کروڑ 45 لاکھ 55 ہزار 431 ہو گئی ہے ۔ اس دوران 83 لاکھ 88 ہزار 824 افراد کو کورونا سے بچا¶ کے ٹیکے لگائے گئے اور اب تک ایک ارب 20 کروڑ 27 لاکھ 3 ہزار 659 افراد کو ویکسین لگائی جا چکی ہے ۔ جمعہ کی صبح مرکزی وزارت صحت کی طرف سے جاری کردہ اعداد و شمار کے مطابق ملک میں گزشتہ 24 گھنٹوں کے دوران 9868 مریضوں کے شفا یاب ہونے کے ساتھ ہی اس وبا کو شکست دینے والے افراد کی تعداد تین کروڑ 39 لاکھ 77 ہزار 830 ہو گئی ہے ۔ اس دوران 193 فعال معاملات میں اضافہ دیکھا گیا ہے ، جس سے فعال کیس کی کل تعداد 110133 ہوگئی ہے ۔ ملک میں گزشتہ 24 گھنٹوں کے دوران اس مہلک وائرس کے انفیکشن سے مزید 488 مریض جاں بحق ہوگئے ۔ اس کے ساتھ ہی ہلاک شدگان کی تعداد چار لاکھ 67 ہزار 468 ہو گئی ہے ۔ ملک میں فعال معاملات کی شرح 0.32 فیصد،شفا یابی کی شرح 98.33 فیصد اور اموات کی شرح 1.35 فیصد ہے ۔ کیرالہ میں اب بھی ملک میں سب سے زیادہ فعال کیس ہیں۔ یہاں فعال معاملوں کی تعداد 509 سے بڑھ کر 52452 ہو گئی ہے ۔ ریاست میں 5094 مریضوں کے شفا یاب ہونے کے ساتھ ہی کورونا سے نجات پانے والے لوگوں کی تعداد بڑھ کر 5028752 ہو گئی ہے ۔ اسی عرصے میں 384 مریضوں کی موت کے بعد مہلوکین کی تعداد بڑھ کر 38737 ہو گئی ہے ۔ کیرالہ میں گزشتہ 24 گھنٹوں کے دوران اس جان لیوا وائرس سے جاں بحق ہونے والوں کی تعداد ملک بھر میں سب سے زیادہ ہے ۔