بھارت اور مراکش نے شراکت داری کو مزید مضبوط بنانے کی کوششوں پر تبادلہ خیال کیا

نئی دہلی، / مرکزی وزیر مملکت برائے امور خارجہ کیرتی وردھن سنگھ نے بدھ کو نئی دہلی میں مراکش کے خارجہ تجارت کے انچارج دورہ پر آئے ہوئے سکریٹری آف اسٹیٹ انچارج عمر ہیجیرا کے ساتھ ملاقات کی، جس میں انہوں نے دو طرفہ شراکت داری کو مزید مضبوط بنانے کی کوششوں پر تبادلہ خیال کیا۔سنگھ نے ملاقات کے بعد  ایکس پر ایک پوسٹ میں کہا،  سکریٹری آف اسٹیٹ انچارج برائے مراکش کی خارجہ تجارت  عمر ہیجیرا  سے مل کر خوشی ہوئی۔ ہندوستان اور مراکش کے تعلقات گرمجوشی اور دوستانہ ہیں۔ ہم نے اس شراکت داری کو مزید مضبوط بنانے کی کوششوں پر تبادلہ خیال کیا۔یہ ملاقات وزیر دفاع راج ناتھ سنگھ کے 22-23 ستمبر تک مراکش کے اپنے دو روزہ دورے کے اختتام کے عین بعد ہوئی ہے۔منگل کو سنگھ اور ان کے مراکش کے ہم منصب عبداللطیف لودی نے مشترکہ طور پر مراکش کے بیرچڈ میں ٹاٹا ایڈوانسڈ سسٹمز لمیٹڈ (TASL) کے جدید ترین دفاعی مینوفیکچرنگ سہولت کا افتتاح کیا۔ انہوں نے اس موقع کو ہندوستان اور مراکش کے درمیان ابھرتی ہوئی اسٹریٹجک شراکت داری میں ایک تاریخی لمحہ قرار دیا۔ 20,000 مربع میٹر پر پھیلی یہ سہولت مقامی طور پر تیار کردہ وہیلڈ آرمرڈ پلیٹ فارم  8×8 کی تیاری کرے گی، جسے TASL اور ہندوستان کی دفاعی تحقیق اور ترقی کی تنظیم ( ڈی آر  ڈی او) نے مشترکہ طور پر ڈیزائن کیا ہے۔پیر کو راج ناتھ سنگھ نے رباط میں مراکش کے وزیر تجارت ریاد میزور سے ملاقات کی جس میں دفاع، دواسازی اور کیمیکل پر بات چیت ہوئی۔”