وزیر خارجہ  جے شنکر نے افغان ہم منصبسے بات کی

 زلزلہ سے متعلق امداد کا اعلان کیا
نئی دہلی/  وزیر خارجہ ایس جے شنکر نے اتوار کو کہا کہ انہوں نے افغان وزیر خارجہ مولوی امیر خان متقی سے بات کی اور افغانستان میں آنے والے زلزلے میں جانی نقصان پر تعزیت کا اظہار کیا۔ ”  وزیر خارجہ  نے ایکس پر  لکھا کہ آج افغان وزیر خارجہ مولوی امیر خان متقی سے بات کی۔ زلزلے میں جانی نقصان پر اظہار تعزیت کیا۔ انہوں نے بتایا کہ ہندوستان پہلے ہی افغانستان میں امدادی سامان روانہ کر چکا ہے۔ انہوں نے کہا کہ "یہ اطلاع دی گئی کہ ہندوستان نے آج 1000 خاندانی خیمے کابل میں پہنچا دیئے ہیں۔ 15 ٹن کھانے کا سامان بھی فوری طور پر ہندوستانی مشن کابل سے کنڑ منتقل کر رہا ہے۔ جے شنکر نے مزید کہا کہ ہندوستان کی طرف سے مزید امداد کی جائے گی۔ انہوں نے کہا کہ "مزید امدادی سامان کل سے ہندوستان سے بھیجا جائے گا۔ زخمیوں کی جلد صحت یابی کی خواہش ہے۔ ہندوستان اس مشکل وقت میں افغانستان کے ساتھ کھڑا ہے۔ واشنگٹن پوسٹ نے طالبان کے زیر انتظام حکام کے حوالے سے رپورٹ کیا کہ مشرقی افغانستان میں شدید زلزلے کے نتیجے میں 800 سے زائد افراد کی ہلاکت اور 2,800 کے قریب زخمی ہونے کی تصدیق کی گئی ہے۔ حکام کے مطابق زلزلے نے اتوار کی نصف شب کے قریب پاکستان کی سرحد سے متصل ایک پہاڑی علاقہ کنڑ صوبے کو نشانہ بنایا، جس سے متعدد دیہات لپیٹ گئے۔ تباہی کے تناظر میں، وزیر اعظم نریندر مودی نے پیر کو افغانستان میں جانوں کے ضیاع پر دکھ کا اظہار کیا، جہاں سینکڑوں افراد ہلاک اور زخمی ہوئے۔ انہوں نے تصدیق کی کہ ہندوستان متاثرہ لوگوں کو ہر ممکن امداد اور راحت فراہم کرنے کے لیے تیار ہے۔