بھارت اور آسٹریلیا کے درمیان تخفیف اسلحہ، عدم پھیلاؤ پر بات چیت کا ساتواں دور  منعقد

نئی دہلی ۔ 12؍اگست۔ ایم این این۔ تخفیف اسلحہ، عدم پھیلاؤ اور برآمدی کنٹرول پر ہندوستان۔آسٹریلیا ڈائیلاگ کا ساتواں دور منگل کو نئی دہلی میں منعقد ہوا۔ وزارت خارجہ کے ایک بیان میں کہا گیا ہے کہ  دونوں فریقوں نے جوہری، کیمیائی، حیاتیاتی تخفیف اسلحہ اور عدم پھیلاؤ، بیرونی خلائی سلامتی سے متعلق معاملات، روایتی ہتھیاروں بشمول ملٹری ڈومین میں اے آئی اور کثیر جہتی برآمدی کنٹرول کے شعبوں میں ہونے والی پیش رفت پر تبادلہ خیال کیا۔ اس مکالمے نے عدم پھیلاؤ اور تخفیف اسلحہ کے مسائل پر قومی نقطہ نظر اور عالمی پیش رفت کی باہمی افہام و تفہیم اور تعریف میں سہولت فراہم کی، جو کہ ہندوستان-آسٹریلیا جامع اسٹریٹجک پارٹنرشپ میں حصہ ڈالے گی۔ بیان میں کہا گیا ہے کہ ہندوستانی وفد کی قیادت وزارت خارجہ کے جوائنٹ سکریٹری (تخفیف اسلحہ اور بین الاقوامی سلامتی کے امور)   مونپوئی  سیوائی کر رہے تھے اور آسٹریلوی وفد کی قیادت ہتھیاروں کے کنٹرول اور انسداد پھیلاؤ کی سفیر وینیسا ووڈ نے کی۔ اس سے قبل 30 مارچ 2021 کو تخفیف اسلحہ، عدم پھیلاؤ اور برآمدی کنٹرول پر ہندوستان-آسٹریلیا ڈائیلاگ کا چھٹا دور عملاً منگل کو منعقد ہوا، جس میں دونوں فریقوں نے باہمی دلچسپی کے عصری مسائل پر تبادلہ خیال کیا۔ وزارت خارجہ  کے ایک بیان کے مطابق، دونوں ممالک نے جوہری، کیمیائی، حیاتیاتی تخفیف اسلحہ اور عدم پھیلاؤ، روایتی ہتھیاروں، بیرونی خلائی سلامتی اور اسٹریٹجک برآمدی کنٹرول کے شعبوں کے امور پر تبادلہ خیال کیا۔ ایم ای اے کے بیان میں کہا گیا ہے کہ بات چیت نے عدم پھیلاؤ اور تخفیف اسلحہ کے مسائل پر قومی نقطہ نظر اور عالمی پیش رفت کی باہمی تفہیم اور تعریف میں اضافہ کیا جو ہندوستان-آسٹریلیا جامع اسٹریٹجک پارٹنرشپ میں حصہ ڈالیں گے۔ ادھر آسٹریلوی آرمی چیف لیفٹیننٹ جنرل سائمن سٹورٹ سرکاری دورے پر نئی دہلی پہنچ گئے۔ پیر کو انہوں نے ہندوستانی مسلح افواج کی سینئر قیادت سے ملاقات کی۔