جموں و کشمیرمیں امن اور ترقی وزیراعظم مودی کی قیادت والی حکومت کی اولین ترجیح:وزیرداخلہ امت شاہ

عوام بالخصوص نوجوان نسل کے فکروعمل میں مثبت تبدیلی
یہی پائیدار امن ،ترقی اور خوشحالی کی اصل ضمانت، کہادہشت گردی اورعلیحدگی پسندی کامکمل خاتمہ قریب تر
سری نگر / مرکزی وزیر داخلہ امت شاہ نے کہاہے کہ جموں و کشمیر میں امن اور ترقی وزیر اعظم نریندر مودی کی قیادت والی حکومت کی اولین ترجیحات ہیں۔جے کے این ایس کے مطابق جموں و کشمیر اسمبلی میں قائد حزب اختلاف اوربھاجپاکے سینئر لیڈرسنیل شرما،نے جمعرات کی شام نئی دہلی میں مرکزی وزیر داخلہ امت شاہ سے ملاقات کی۔میڈیارپورٹس کے مطابق ملاقات کے دوران جموں وکشمیرکی مجموعی صورتحال ،پُرتشدد واقعات اورملی ٹنٹ سرگرمیوں کے بارے میں تبادلہ خیال ہو اجبکہ اس دوران جموں وکشمیرمیں مرکز کی مالی معاونت ورہنمائی سے جاری تعمیراتی وترقیاتی سرگرمیوںکو بھی زیر غور لایاگیا۔ایک بیان میں کہا گیا کہ جموں وکشمیرقانون ساز اسمبلی میں قائد حزب اختلاف اوربھاجپاکے سینئر لیڈرسنیل شرما، نے وزیر داخلہ کےساتھ اہم مسائل پر تبادلہ خیال کیا۔ سنیل شرما نے وزیر داخلہ کو سیکورٹی، ترقی اور جموں و کشمیر قانون ساز اسمبلی میں جاری بجٹ سیشن سے متعلق مسائل کے بارے میں آگاہ کیا۔بھاجپا کے لیڈر سنیل شرمانے کہا کہ جموں و کشمیر سٹریٹجک اہمیت کا حامل خطہ رہا ہے، اور اس نے متعدد سیکورٹی اور ترقیاتی چیلنجوں کا سامنا کیا ہے۔یہ تمام مسائل گہرے طور پر جڑے ہوئے ہیں اور وزیراعظم مودی کی قیادت والی حکومت کی طرف سے ایک سخت کثیر جہتی نقطہ نظر کی ضرورت ہے۔انہوں نے مرکزی وزیر داخلہ کے ساتھ خطے میں حالیہ دہشت گردی کے واقعات کے مسئلہ پر بھی تبادلہ خیال کیا۔ انہوں نے ان سے درخواست کی کہ وہ علاقے کے دور دراز علاقوں تک سڑک کے رابطے کو مزید بڑھائے۔ انہوں نے سیاحت، صنعت اور کاروبار جیسے اہم شعبوں پر زور دے کر جموں و کشمیر میں پائیدار اقتصادی ماحولیاتی نظام کو سہل بنانے کےلئے مختلف عوامل کووزیرداخلہ کی نوٹس میں لایا۔سنیل شرما نے جموں و کشمیر میں منشیات کے استعمال اور منشیات کی اسمگلنگ میں اضافے پر بھی روشنی ڈالی، فوری مداخلت کی ضرورت پر زور دیا۔بیان میںمزید کہاگیاکہ اپوزیشن لیڈر نے جموں و کشمیر قانون ساز اسمبلی میں بجٹ اجلاس کے موقع پر مرکزی وزیر داخلہ کے ساتھ بھی تبادلہ خیال کیا جس میں بجٹ اجلاس کی تفصیلات کیساتھ ساتھ مکینوں کے سماجی و اقتصادی حالات اور جموں و کشمیر میں جاری ترقیاتی عمل پر تبادلہ خیال کیا گیا۔ جاری کردہ ایک بیان کے مطابق، مرکزی وزیر داخلہ امت شاہ نے یقین دلایا کہ جموں و کشمیر میں امن اور ترقی مودی حکومت کی اولین ترجیح رہے گی اور اس کے باشندوں کی سماجی زندگی کو یقینی بنانے کےلئے ہر قدم اٹھایا جائے گا۔ا