خلائی شعبے کی اصلاحات نے خلا میں بھارتکے  تجارتی امکانات کو کھول دیا ہے۔جتیندر سنگھ

 نئی دلی۔/۔سائنس اور ٹیکنالوجی ، ارضیاتی سائنس کے مرکزی وزیر مملکت (آزادانہ چارج) اور وزیر مملکت برائے پی ایم او ، محکمہ جوہری توانائی ، محکمہ خلا ، عملہ ، عوامی شکایات اور پنشن ڈاکٹر جتیندر سنگھ نے آج راجیہ سبھا میں ایک غیر ستارہ سوال کا جواب دیتے ہوئے کہا کہ ’’خلائی شعبے کی اصلاحات نے خلا میں ہندوستان کے تجارتی امکانات کو کھول دیا ہے‘‘ ۔نیو اسپیس انڈیا لمیٹڈ (این ایس آئی ایل) محکمہ خلا کے تحت ایک پبلک سیکٹر انٹرپرائز (پی ایس ای) اور مارچ 2019 کے دوران شامل اسرو کا تجارتی بازو ، مانگ پر مبنی نقطہ نظر پر اول سے آخر تک تجارتی خلائی کاروبار کرنے کے لیے ذمہ دار ہے اور اسے خلا سے متعلق سرگرمیوں میں ہندوستانی صنعتوں کی شرکت بڑھانے کا مینڈیٹ حاصل ہے ۔ڈاکٹر سنگھ نے بتایا کہ این ایس آئی ایل ہندوستانی حکومت کے صارفین کی ایس-بینڈ مواصلاتی ضروریات کو پورا کرنے کے لیے اپنا تیسرا ڈیمانڈ پر مبنی کمیونیکیشن سیٹلائٹ مشن ، جی ایس اے ٹی-این 3 شروع کرے گا ۔  جی ایس اے ٹی-این 3 سیٹلائٹ کو 2026 کی پہلی سہ ماہی کے دوران لانچ کرنے کی تجویز ہے ۔این ایس آئی ایل نے پولر سیٹلائٹ لانچ وہیکل (پی ایس ایل وی)   کے نمبر  5 کی از اول تا آخر  پروڈکشن کے لئے میسرز ایچ اے ایل (میسرز ایچ اے ایل اور ایل اینڈ ٹی کنسورشیا کے لیڈ پارٹنر) کے ساتھ معاہدہ کیا ۔ پہلی مکمل ہندوستانی صنعت سے  تیار کردہ پی ایس ایل وی کو 2025 کی دوسری سہ ماہی کے دوران لانچ کرنے کا تصور کیا گیا ہے ۔ڈاکٹر جتیندر سنگھ نے کہا کہ آنے والے سالوں میں این ایس آئی ایل اپنے تجارتی خلائی کاروبار کو تمام شعبوں میں مزید وسعت دینے کی کوشش کرے گا جس میں سیٹلائٹ بنانے اور لانچ گاڑیاں ، لانچ خدمات فراہم کرنا ، زمینی حصے کا قیام ، مواصلات اور ارتھ آبزرویشن سیٹلائٹ کا استعمال کرتے ہوئے خلا پر مبنی خدمات فراہم کرنا ، مشن سپورٹ سروسز اور اسرو کی تیار کردہ ٹیکنالوجیز کو ہندوستانی صنعتوں  کو منتقل کرنا شامل ہیں ۔  این ایس آئی ایل جن بڑے کاروباری پروجیکٹوں کا تصور کر رہا ہے ان میں ڈیمانڈ پر مبنی ماڈل پر کئی مواصلاتی سیٹلائٹ بنانا ، ابھرتی ہوئی عالمی لانچ سروس مارکیٹ سے تجارتی طور پر فائدہ اٹھانے کے لیے پی پی پی شراکت داری کے تحت ہندوستانی صنعت کے ذریعے ایل وی ایم 3 راکٹوں کو حاصل کرنے کی حکمت عملی تلاش کرنا ، نجی ہندوستانی صنعتوں کو زمین کے مشاہدے کے کئی سیٹلائٹ بنانے کے قابل بنانا وغیرہ شامل ہیں ۔