مرکزی حکومت کے غلط فیصلوں سے روزگار اور معیشت پر منفی اثرات مرتب ہوئے : ڈاکٹر فاروق عبداللہ

سری نگرْ جموں وکشمیر نیشنل کانفرنس کے صدر ڈاکٹر فارورق عبداللہ کا کہنا ہے کہ لوگوں نے عمر عبداللہ کی سرکار کو جو منڈیٹ دیا ہے اور اپنے قیمتی ووٹوں سے عوامی سرکار کو معرض وجود لایا اللہ اس حکومت کو اُن تمام وعدوں کو پورا کرنے کی توفیق عطا کرے جو الیکشن منشور میں کئے گئے تھے ۔انہوں نے کہاکہ مشکلات اور چیلنجوں کی کوئی کمی نہیں ہے ، خاص کر جموں وکشمیرمیں بڑی تعداد میں نوجوان بے روزگار بیٹھے ہیں،5اگست2019کے فیصلوں اور اس کے بعد کے اقدامات سے یہاں کے روزگار پر بہت بُرا اثر پڑا اور معیشت بھی متاثر ہوئے نہ رہ پائی۔ ان باتوں کا اظہار ڈاکٹر فاروق عبداللہ نے اجمیر میں راجستھان میں مقیم کشمیری تاجر اور طلباﺅ طالبات کیساتھ ملاقات کے دوران کیا۔اس موقعے پر معاون جنرل سکریٹری ڈاکٹر شیخ مصطفے ٰ کمال اور ایم ایل اے پونچھ اعجاز جان بھی تھے ۔ڈاکٹر فاروق عبداللہ نے تاجروں اور طلاب سے کہا کہ وہ اپنا کاروبار اور تعلیم جاری رکھیں اور جب کبھی آپ کو کوئی مشکل درپیش ہو تو وہ جموں وکشمیر حکومت کی نوٹس میں لائی جائے ۔ یاد رہے ڈاکٹر فاروق عبداللہ نے کل یعنی 17جنوری درگاہ اجمیر میں نمازِ مغرب، نماز عشائاور آج نمازِ فجر بھی ادا کی۔دریں اثنائانہوں نے جئے پور میں ڈاکٹر گنگوال کے گھر جاکر تعزیت پُرسی کی اور ڈھارس بندھائی یاد رہے کہ اُن کی اہلیہ انتقال کر گئیں تھیں۔ اس کے علاوہ انہوں نے ڈاکٹر حبیب اللہ اور نقوی خانوادے کی مزاج پُرسی بھی کی۔