موبلٹی سیکٹر میں سرمایہ کاری کے لیے ہندوستان بہترین منزل۔ مودی

نئی دہلی/ وزیر اعظم نریندر مودی نے جمعہ کو کہا کہ موبلٹی سیکٹر میں اپنے مستقبل کو تشکیل دینے کے خواہاں ہر سرمایہ کار کے لیے ہندوستان ایک شاندار منزل کے طور پر کھڑا ہے۔ انہوں نے  سرمایہ کاروں کو تمام حکومتی تعاون کا یقین  بھی دلایا۔یہاں بھارت منڈپم میں بھارت موبلٹی گلوبل ایکسپو 2025 کا افتتاح کرنے کے بعد اجتماع سے خطاب کرتے ہوئے وزیر اعظم نے کہا کہ ہندوستان سبز ٹیکنالوجی، ای وی، ہائیڈروجن ایندھن اور بائیو فیول کی ترقی پر توجہ مرکوز کر رہا ہے۔اس بات پر زور دیتے ہوئے کہ ‘ میک ان انڈیا’ پہل کی طاقت ملک کی آٹو انڈسٹری کی ترقی کے امکانات کو ہوا دیتی ہے، انہوں نے کہا کہ دہائی کے آخر تک ای وی کی فروخت آٹھ گنا بڑھنے والی ہے۔مودی نے کہا کہ حکومت ایک نقل و حرکت کے نظام پر کام کر رہی ہے جو معیشت اور ماحولیات کو سہارا دے سکتا ہے، اور ایسا نظام تشکیل دے سکتا ہے جو جیواشم ایندھن کی درآمد پر ملک کے بل کو کم کر سکے۔انہوں نے کہا کہ ‘ میک ان انڈیا’ پہل نے آٹو انڈسٹری کی ترقی میں بہت بڑا رول ادا کیا ہے۔اس پہل کو پی ایل آئی (پیداوار سے منسلک ترغیب( اسکیم سے ایک دھکا ملا ہے جس نے اس شعبے میں 2.25 لاکھ کروڑ روپے سے زیادہ کی فروخت میں مدد کی ہے۔  وزیراعظم  نے کہا کہاس اسکیم نے آٹوموبائل سیکٹر میں 1.5 لاکھ سے زیادہ براہ راست ملازمتیں پیدا کی ہیں۔وزیر اعظم نے کہا، سفر کی آسانی ہندوستان کی ایک بڑی ترجیح ہے۔ گزشتہ بجٹ میں، بنیادی ڈھانچے کی ترقی کے لیے 11 لاکھ کروڑ روپے سے زیادہ کا انتظام کیا گیا تھا۔یہ نوٹ کرتے ہوئے کہ ہندوستان کی آٹو موٹیو انڈسٹری شاندار اور مستقبل کے لیے تیار ہے، انہوں نے کہا کہ ہندوستان کی آٹو انڈسٹری نے گزشتہ سال 12 فیصد سالانہ ترقی دیکھی اور برآمدات میں بھی نمایاں اضافہ ہوا۔کارپوریٹس کو سیکٹر میں سرمایہ کاری کرنے کی ترغیب دیتے ہوئے مودی نے کہا کہ ابھرتا ہوا متوسط طبقہ، تیزی سے شہری کاری، اعلیٰ معیار کے بنیادی ڈھانچے کی ترقی، اور سستی گاڑیاں آٹوموبائل سیکٹر کو آگے بڑھانے والی ہیں۔انہوں نے کہا کہ کوشش، نقل و حرکت کے لیے ایک مکمل ماحولیاتی نظام تیار کرنا ہے۔انہوں نے یہ بھی کہا کہ یہ ہندوستان میں بیٹری اسٹوریج سسٹم میں سرمایہ کاری کرنے کا صحیح وقت ہے۔پانچ روزہ ایکسپو جو کہ قومی دارالحکومت میں بھارت منڈپم اور یشوبومی اور انڈیا ایکسپو سینٹر اور مارٹ، گریٹر نوئیڈا میں تین مقامات پر منعقد کیا جا رہا ہے، توقع ہے کہ آٹوموبائلز، اجزاء کی مصنوعات اور ٹیکنالوجیز میں 100 سے زیادہ نئی لانچیں ہوں گی۔