اسرو نے گگنیان مشن  کیلئےیورپی خلائی ایجنسی کے ساتھ تکنیکی نفاذ کے منصوبے پر دستخط کیے

  انڈیناسپیس ریسرچ آرگنائزیشن اور یورپی اسپیس ایجنسی (ESA) نے بدھ کے روز ایک تکنیکی نفاذ کے منصوبے (TIP) پر دستخط کیے۔ یہ یوروپی سپیس  ایجنسی کو ہندوستان کے گگنیان مشنوں کے لیے اہم زمینی ٹریکنگ سپورٹ فراہم کرنے کے قابل بنائے گا۔ اسرو کی طرف سے جاری کردہ ایک بیان میں کہا گیا ہے کہ تکنیکی نفاذ کے منصوبے پر  اسرو کے ISTRAC کے ڈائریکٹر ڈاکٹر انیل کمار اے کے اور  یوروپی سپیس ایجنسی سے ٹیکنالوجی، انجینئرنگ اور کوالٹی کے ڈائریکٹر  دیتمار پلیز نے دستخط کیے تھے۔ اسرو نے ایکس  پر مطلع کیا  کہعالمی تعاون کو مضبوط بنانا! 4 دسمبر 2024 کو،  اسرو اور    یوروپی  سپیس  ایجنسی نے گگنیان مشن کے لیے زمینی ٹریکنگ سپورٹ فراہم کرنے کے لیے ایک تکنیکی نفاذ کے منصوبے پر دستخط کیے ہیں۔ بغیر کسی رکاوٹ کے مداری آپریشنز اور ڈیٹا کے تسلسل کے لیے ایک بڑا قدم! یہ منصوبہ  ای ایس اے  کو گگنیان مشن کے لیے گراؤنڈ اسٹیشن کی مدد فراہم کرنے کے قابل بنائے گا جو کہ نگرانی اور مداری آپریشنز کے لیے آربیٹل ماڈیول کے ساتھ ڈیٹا کے بہاؤ اور مواصلات میں تسلسل کو یقینی بنائے گا۔ اسرو اور ای  ایس اےکے درمیان دیرینہ تعاون ہے اور ماضی میں کئی خلائی مشنوں کی کامیاب تکمیل میں باہمی تعاون سے ایک دوسرے کی مدد کرتے رہے ہیں اور مستقبل میں تعاون کی سرگرمیوں کے لیے مزید پرعزم ہیں۔گگنیان پروجیکٹ کا مقصد 3 ارکان کے عملے کو 400 کلومیٹر کے مدار میں تین دن کے مشن کے لیے روانہ کرکے اور ہندوستانی سمندری پانیوں میں اتر کر انہیں بحفاظت زمین پر واپس لا کر انسانی خلائی پرواز کی صلاحیت کا مظاہرہ کرنا ہے۔قبل ازیں جمعرات کو،  اسرو نے پوربھا۔3 مشن کو کامیابی کے ساتھ لانچ کیا،  ای ایس اے  کے سیٹلائٹس کو ان کے مقرر کردہ مدار میں درستگی کے ساتھ تعینات کیا۔