ای وی ایم سے بھی بے ایمانی ہونے لگی، ضمنی الیکشن نہیں لڑیں گے :مایاوتی

لکھنْ بہوجن سماج پارٹی(بی ایس پی) سپریمو مایاوتی نے اترپردیش اسمبلی کے ضمنی الیکشن میں ای وی ایم کے ذریعہ فرضی ووٹنگ کا الزام لگاتے ہوئے کہا کہ ان کی پارٹی مستقبل میں ضمنی الیکشن نہیں لڑے گی۔مایاوتی نے اتوار کو یہاں کہا کہ پہلے بیلٹ پیپر کے ذریعہ فرضی ووٹنگ کی اطلاعات ملتی تھیں جبکہ اب الکٹرانک ووٹنگ مشین کے ذریعہ بھی فرضی ووٹنگ ہونے لگی ہے ۔ اس لئے ان کی پارٹی نے فیصلہ لیا ہے کہ مستقبل میں کسی بھی ضمنی الیکشن میں شرکت نہیں کرے گی۔انہوں نے کہا کہ ان کی پارٹی لوک سبھا، اسمبلی اور ضمنی الیکشن میں پوری قوت سے عوام کے درمیان اپنی موجودگی درج کرائے گی۔ضمنی الیکشن نہ لڑنے کے سوال پر انہوں نے کہا کہ انہیں لگتا ہے کہ ضمنی الیکشن میں سرکاری مشینری پوری طرح سے حکمراں جماعت کے اثر میں ہوتی ہے جبکہ عام الیکشن میں ایسا نہیں ہے کیونکہ سرکاری مشینری کو لگتا ہے کہ اگر اپوزیشن اقتدار میں آئے گا تو ان کے لئے نقصان دہ ثابت ہوسکتا ہے اس لئے عام الیکشن میں سرکاری مشینری بے ایمانی کی حمایت میں زیادہ تر کھڑی نہیں ہوتی۔