سری نگریکم ستمبر(یو این آئی)سینئر حریت لیڈر سید سلیم گیلانی نے اتوار کے روز پیپلز ڈیموکریٹک پارٹی میں شمولیت اختیار کی۔ انہوں نے اس موقع پر کہاکہ بندوق کسی مسئلے کا حل نہیں صرف بات چیت کے ذریعے ہی سارے مسائل حل ہوسکتے ہیں۔
ان باتوں کو اظہار موصوف لیڈر نے سری نگر میں نامہ نگاروں سے بات چیت کے دوران کیا۔
انہوں نے کہاکہ مرحوم مفتی محمد سید نے ہمیشہ مسئلہ کشمیر کو پر امن طریقے سے حل کرنے اور جیلوں میں بند پڑے نوجوانوں کی رہائی کے حوالے سے اپنی کوششیں جاری رکھیں۔
سید سلیم گیلانی نے کہا :’جب میں حریت کا حصہ تھا تب بھی مجھے فخر تھا اور آج جب میں نے پی ڈی پی میں شمولیت اختیار کی تو مجھے فخر محسوس ہورہا ہے۔ ‘
منڈیٹ کے بارے میں پوچھے گئے سوال کے جواب میں حریت لیڈر نے کہاکہ ٹکٹ حاصل کرنا ان کا مقصد نہیں ہے ۔
ان کے مطابق پی ڈی پی واحد جماعت ہے جس نے ہمیشہ جموں وکشمیر کے لوگوں کے جذبات و احساسات کی بات کی ہے۔
انہوں نے کہاکہ پی ڈی پی کے مشن اور نظریہ کو آگے بڑھانے کی خاطر زمینی سطح پر کام کرنے کی بھر پور سعی کرو گا۔
انہوں نے مزید بتایا کہا کہ آج پی ڈی پی میں شامل ہو کر خوشی محسوس ہو رہی ہے اور کشمیر کے لوگوں نے اس پارٹی پر ہمیشہ بھروسہ جتایا ہے۔
