وادی میں وقفے وقفے سے موسلا دھار بارشیں جاری

پلوامہ میں بادل پھٹنے کا واقع، کئی علاقوں میں سیلابی ریلے تباہی مچادی
کنگن گاندربل میں شدید بارش کے بعد سیلاب کی وجہ سے کنگن علاقے میں سڑکیں تباہ
سرینگر/17اگست/وادی کشمیر میں سنیچر وار کی صبح صادق سے ہی موسلا دھار بارشیں شروع ہوئی جبکہ پلوامہ میں بادل پھٹنے کے واقعے کے نتیجے میں سیلابی صورتحال پیدا ہوئی اور کئی دیہات میں سیلابی ریلے کا گزر ہوا ۔معلوم ہواہے کہ کیلر پلوامہ کے کئی رہائشی مکانوں میں پانی گھس گیا جبکہ پولیس اور انتظامیہ کے افسران نے علاقے کادورہ کیا ۔ ادھر کنگن کنگن میں بھی سیلابی ریلے کی وجہ سے کئی سڑکیںڈہہ گئیں ۔ دریں اثناءسرینگر سمیت وادی کے دیگر اضلاع میں سنیچر کو دن بھر وقفے وقفے سے بارشیں جاری ہیں جبکہاگلے تین دنوں میں ‘گرج چمک کے ساتھ بارش’ کا امکان ہے۔ آنے والے پانچ دنوں میں بارش کی پیش گوئی ہے۔ 21 اور 22 اگست کو ‘بارش یا گرج چمک’ کی پیش گوئی کی گئی ہے۔ وائس آف انڈیا کے مطابق وادی کشمیر کے ساتھ ساتھ جموں کے متعدد علاقوں میں سنیچر وار کی شدید بارشیں ہوئی ۔ ادھر وادی میں صبح سے وقفے وقفے سے موسلا دھار بارش جاری ہے ۔ اس بیچ جنوبی کشمیر کے پلوامہ کے کیلر کے اچگوزہ گاو¿ں میں بادل پھٹنے کی وجہ سے ندی نالوں میں پانی کی سطح بڑھنے سے معمول کی سرگرمیاں بند ہو گئی ہیں۔چوان کیلر میں بادل پھٹنے سے اچگوزہ میں سیلاب جیسی صورتحال پیدا ہوگئی ہے کیونکہ پانی کئی رہائشی مکانات اور دیگر ڈھانچے میں داخل ہوگیا ہے۔اگرچہ علاقے سے کسی قسم کے نقصان کی اطلاع نہیں ملی ہے، محکمہ ریونیو، ایس ڈی آر ایف اور پولیس کی ایک مشترکہ ٹیم نے مقامی لوگوں کی حفاظت کو یقینی بنانے کے لیے بچاو¿ آپریشن شروع کیا ہے۔ادھر کشمیر میں شدید بارش کے بعد سیلاب کی وجہ سے کنگن علاقے میں سڑکوں کو نقصان پہنچا ہے۔ گاندربل کے علاقے حسن آباد میں موسلا دھار بارش کے بعد ہفتہ کی صبح کنگن روڈ پر کیچڑ کا پانی بہہ گیا۔ ایس ڈی ایم نے علاقے کا دورہ کیا ہے۔خبر ایجنسی کے مطابق گاندربل کے علاقے حسن آباد میں شدید بارش ہوئی۔ جس کے باعث کنگن روڈ کیچڑ بن گئی۔ کنگن سب ڈویڑن کی صورتحال کا جائزہ لینے کے لیے ایس ڈی ایم کنگن بلال مختار موقع پر پہنچ گئے ہیں۔ تاہم کوئی اعلیٰ افسر موقع پر نہیں پہنچا۔ایک مقامی رہائشی نے بتایا کہ شدید بارشوں کے بعد سیلاب کی وجہ سے کئی علاقے متاثر ہوئے ہیں۔ ہم انتظامیہ سے درخواست کرتے ہیں کہ چیک ڈیم بنائے اور تجاوزات کے نالے کھولے جائیں تاکہ پانی نکل سکے۔ جموں کے لیے مقامی موسم کی پیشن گوئی کے مطابق، آج ‘ہلکی بارش کے ساتھ عام طور پر ابر آلود’ رہے گا اور نمی 68 فیصد رہے گی۔اگلے تین دنوں میں ‘گرج چمک کے ساتھ بارش’ کا امکان ہے۔ آنے والے پانچ دنوں میں بارش کی پیش گوئی ہے۔ 21 اور 22 اگست کو ‘بارش یا گرج چمک’ کی پیش گوئی کی گئی ہے۔ اگلے چند دنوں میں زیادہ سے زیادہ اور کم سے کم درجہ حرارت 33 سے 23 ڈگری سیلسیس کے درمیان رہے گا۔