ترال میں 5سالہ بچی کرنٹ لگنے سے جاں بحق

کپوارہ میں نو عمر بچی غرق آب،دونوں علاقوں میں کہرام
وسرینگر/وادی کشمیر کے شمال اور جنوبی کشمیر میں دو الگ الگ دلخراش واقعات میں ایک کمسن بچی بجلی کرنٹ لگنے سے جاں بحق ہوئی ہے جبکہ کپوارہ میں ایک نو عمربچی غرق آب ہوئی ہے ۔اس دوران دونوں علاقوںمیں صف ماتم بیچھ گئی ۔کشمیر نیوز سروس ( کے این ایس ) کے مطابق جنوبی کشمیر کے ڈاڈسرہ ترال میں اتوار کے روز اس وقت کہرام مچ گیا جب علاقے میں ایک پانچ سالہ بچی زینت بلال ولد بلال احمد ارتھر موٹر کو چھونے کے دوران بجلی کرنے لگی کی وجہ سے لقمہ اجل بن گئی مقامی لوگوں نے بتایا اگر چہ بچی کو فوری طور ہسپتال پہنچایا گیا تھا تاہم ڈاکٹروں نے اس مردہ قرار دیا ۔اس واقعے کے بعد پورا علاقہ ماتم کدے میں تبدیل ہوا ور کمسن بچی کی موت کی وجہ سے صدمے میں تبدیل ہوا ۔ادھر شمالی کشمیر کے کپوارہ کے واری جگر پورہ علاقے میں ایک اور حادثے میں اایک کمسن بچی پانی میں ڈوبنے کی وجہ سے لقمہ اجل بن گئی ۔مقامی لوگوں نے بتائا کہ سعدہ مقبول دختر محمد مقبول شاہ پہرو نالے میں کپڑے دونے کے دوران پیر پھسلنے کی وجہ سے پانی میں دوب کر لقمہ اجل بن گئی ۔انہوں نے بتایا ا س واقعے کے بعد علاقے میں قیامت صغریٰ بپا ہوا´۔