ڈاکٹر سیّد سحرش اَصغرنے بڈگام میں جے کے آر ایل ایم کی پیش رفت کا جائزہ لیا

مشن ڈائریکٹر جموںوکشمیر رورل لائیو لی ہُڈس مشن ( جے کے آر ایل ایم ) ڈاکٹر سیّد سحرش اَصغر نے آج مشن کے فیلڈ اَفسران پر زور دیا وہ تمام مستحق دیہی خواتین کو سیلف ہیلپ گروپوں میں شامل کریں ۔ ڈاکٹر سیّد سحرش اَصغر نے اِن خیالات کا اِظہار آج ضلع بڈگام کے جائزہ میٹنگ کی صدارت کرنے کے دوران کیا۔میٹنگ سے خطاب کرتے ہوئے ڈاکٹر سحرش اَصغر نے بلاک پروگرام مینجروں کو ہدایت دی کہ وہ مختلف سماجی تحفظی سکیموں کے تحت ایس ایچ جی ممبران کا اِندراج کریں تاکہ ان سکیموں کے فوائد پروگرام’ اُمید ‘کے تحت بننے والے ایس ایچ جی ممبران تک پہنچ سکیں۔مشن ڈائرکٹر نے اَفسران پر زور دیا کہ وہ ممکنہ ذریعہ معاش کی نشاندہی کے لئے خصوصی مہم چلائیں ۔انہوں نے کہاکہ مشن ڈائریکٹوریٹ معاش کو بڑھانے اور اَپ گریڈ کرنے کی خاطر تمام اقدامات اٹھانے کے لئے پرجوش ہے جس میں ایس ایچ جی کے اراکین کو ان کی روزی روٹی بڑھانے کے لئے اورنٹیشن اور ہینڈ ہولڈنگ سپورٹ فراہم کرنے کے لئے بہترین وسائل کو بروئے کار لایا جائے گا۔اُنہوں نے ضلع میں دیہی خواتین کی روزی روٹی اور آمدنی کو بڑھانے کے لئے اَفسران پر زور دیا کہ وہ فارمر پروڈیوسر آرگنائزیشن ( ایف پی اوز کی تشکیل پر توجہ دیں۔ ایف پی او دیہی خواتین کے لئے پیداوار، پیکیجنگ، مارکیٹنگ، انتظام اور فروخت سے آخر تک مدد فراہم کرے گا۔ انہوں نے مزید کہا کہ ان ایف پی او کا اِنتظام خود ایس ایچ جی ممبران کریں گے۔