جموں و کشمیرکے دونوں خطوں میں 5 جولائی اور 7 جولائی کے درمیان درمیانی سے موسلا داراورطوفانی بارشوں کاامکان

کشمیر میں کسی بڑی سیلابی صورتحال کا بہت کم امکان
خطہ پیرپنچال کے آرپار اونچے علاقوں میں سیلابی ریلوں، بادل پھٹنے،زمین کھسکنے ،مٹی اور پتھر گرآنے کا امکان:سونم لوٹس،ڈاکٹر مختار
 مانسون پہلے ہی جموں و کشمیر میں سرگرم ، اس میں مزید شدت آنے کا امکان، تشویشناک کی کوئی بات نہیں،احتیاط لازمی:موسمیاتی ماہرین
سری نگر:یکم جولائی/ جموں و کشمیر میں 5 جولائی اور 7 جولائی کے درمیان بہت زیادہ بارش کی خطرناک اطلاعات کے درمیان، معروف اورقابل بھروسہ مند موسمی ماہر سونم لوٹس نے” کشمیر میں بڑے سیلاب کے امکانات کو خارج ازامکان قراردیا۔اس دوران موسمیاتی مرکز سری نگرکے ڈائریکٹر ڈاکٹر مختار احمد نے بھی 5سے7جولائی کے درمیان موسلا دار بارشوں کی پیش گوئی کرتے ہوئے واضح کیاکہ کچھ نشیبی علاقوں میں پانی داخل اورجمع ہونے کی عارضی صورتحال پیدا ہو سکتی ہے۔جے کے این ایس کے مطابق جموں وکشمیرکے معروف ماہر موسمیات سونم لوٹس نے پیرکی صبح واضح کیاکہ 5سے7جولائی کے درمیا ن متوقع بہت زیادہ بارشیں ہونے کے باوجود کشمیر میں بڑے سیلاب کے امکانات نہیں ہیں ۔ستمبر2014 میں جموں و کشمیر، خاص طور پر وادی میں آنے والے غیر معمولی سیلاب سے خوفزدہ مقامی آبادی کو5 جولائیسے 7 جولائی کے درمیان بہت زیادہ بارش کی میڈیا رپورٹس نے پریشان ہونا شروع کر دیا تھا جو وادی میں ایک بڑے سیلاب کو متحرک کر سکتا ہے۔تاہم موسمیاتی تغیر وتبدل سے متعلق حالیہ برسوںمیں پیش گوئی کرنے والے ایک معروف اور بھروسہ مند ماہر موسمیات سونم لوٹس،جو اس وقت لداخ یونین ٹیریٹری میں محکمہ موسمیات کے ڈائریکٹر ہیں، نے پیرکی صبح خبررساں ادارے آئی اے این ایس کے ساتھ بات کرتے ہوئے کہاہے کہ مجھے پہلے کشمیر وادی کے بارے میں بات کرنے دو۔انہوںنے کہاکہ 5جولائی سے 7 جولائی کے درمیان کشمیرمیں الگ تھلگ مقامات پر بھاری بارش کے امکانات ہیں،لیکن بقول سونم لوٹس اس سے کشمیر میں سیلاب کی کوئی بڑی صورتحال پیدا ہونے کا امکان بہت کم ہے جبکہ اونچے علاقوں میں سیلابی ریلوں اور بادل پھٹنے کا امکان ہے۔انہوں نے ساتھ ہی کہاکہ دریاو ¿ں اور ندی نالوں میں پانی کی سطح میں عمومی طور پر اضافہ ممکن ہے۔سونم لوٹس کاکہناتھاکہ مانسون کے موسم میں لوگوں کو ہمیشہ محتاط رہنے کی تلقین کی جاتی ہے خاص طور پر جولائی سے ستمبر کے وسط تک کشمیر وادی میں۔ماہر موسمیات نے کہاکہ مانسون پہلے ہی جموں و کشمیر میں سرگرم ہے اور اس میں مزید شدت آنے کا امکان ہے۔5 جولائی اور 7 جولائی کے دوران کوئی بھی چیز تشویشناک نہیں ہے جو مسلسل بھاری بارش کی نشاندہی کرے جس کے نتیجے میں وادی میں مجموعی طور پر سیلاب کی صورتحال پیدا ہو جائے۔انہوں نے مزید کہاکہ بارش عام طور پر معتدل ہوگی اور کچھ الگ تھلگ جگہوں پر موسلا دھار بارشیں ہوں گی جو سیلابی ریلوں اور بادل پھٹنے کے امکان کی نشاندہی کرتی ہیں۔سونم لوٹس نے کہاکہ لہٰذا وادی کے اونچے علاقوں میں لوگوں کو سیلاب کی عام صورتحال کے بارے میں خطرے کی گھنٹی کے بغیر محتاط رہنے کا مشورہ دیا جاتا ہے۔جموں ڈویڑن کے بارے میں، قابل بھروسہ مند موسمی ماہر سونم لوٹس نے کہا کہ جموں خطہ میں بارشیں زیادہ شدید ہوں گی اور ایسے مقامات پر موسلادھار بارشیں ہوں گی جو سیلابی ریلوں، بادل پھٹنے اور مٹی کے تودے گرنے کا سبب بن سکتی ہیں۔انہوںنے کہاکہ لہذا، میں صرف احتیاط کا مشورہ دیتا ہوں جب کہ میں اس مدت کے دوران جموں و کشمیر میں سیلاب کی کسی بھی صورت حال کو مسترد کرتا ہوں۔اس دوران موسمیاتی مرکز سری نگرکے ڈائریکٹر ڈاکٹر مختار احمد نے پیرکی صبح جموں خطے کے متعددمقامات اورکشمیرمیں چندمقامات پرایک سے3جولائی کے درمیان گرج چمک کیساتھ بارش ہونے کی پیش گوئی کی ۔انہوںنے مزیدکہاکہ4سے5جولائی کے دوران جموں و کشمیر کے بیشتر مقامات پر وقفے وقفے سے ہلکی سے درمیانی اور چند مقامات پر موسلادھار بارش کاامکان ہے ۔ڈاکٹر مختار نے بتایاکہ 6سے7جولائی کے درمیان جموں و کشمیر کے بیشتر مقامات پر وقفے وقفے سے ہلکی سے درمیانی بارش کا امکان اور چند مقامات پر موسلادھار بارش ہونے کاامکان ہے۔انہوںنے ایڈوائزری جاری کرتے ہوئے بتایاکہ بارشوںکی وجہ سے چند خطرناک مقامات پر تیز سیلاب، سیلابی ریلوں،زمین کھسکنے ،مٹی اور پتھر گرآنے کاامکان رہے گا۔ماہر موسمیات ڈاکٹر مختار نے تاہم کہاکہ کچھ نشیبی علاقوں میں پانی بھرنے کی عارضی صورتحال ہو سکتی ہے۔چند مقامات پر درمیانے درجے کی گرج چمک کے ساتھ طوفانی بارش ہو سکتی ہے۔