قصبہ بجبہاڑہ میںچوروں نے درجنوں دکاندوں کا صفایا کیا

جنوبی قصبہ بجبہاڑہ کے علاقوں میں نقب زنی کے بڑھتے واقعات کے باعث لوگوں خاص طور پر دکانداروں میں تشویش کی لہر دوڑ رہی ہے۔ اور انہوں نے مطالبہ کیا کہ چوری کی وارداتوں پر قابو پانے کیلئے ہنگامی نوعیت کے اقدامات اٹھائیںجائے ۔ اس ضمن میں نمائندے نے تفصیلات فراہم کرتے ہوئے بتایا کہ بجبہاڑہ میں نقب زنی کی واقعات میںکافی اضافہ ہو گیا جس کے نتیجے میںلوگوں میںتشویش کی لہر پائی جا رہی ہے اور ان کی راتوں کی نیند حرام ہو چکی ہے ۔ نمائندے نے مقامی لوگوں کا حوالہ دیتے ہوئے بتایا کہ گزشتہ ایک ہفتے کے دوران نقب زنوں نے درجنوں گاڑیوں کو اڑا لیا ہے جبکہ گزشتہ دنوں نقب زنوں نے دن دھاڑے الٹو گاڑی چوری کرکے اڑا لی ۔ انہوں نے کہا کہ نقب زنی کے واقعات میں آئے روز اضافہ ہوجاتا ہے تاہم انتظامیہ اور متعلقہ محکمہ کی جانب سے کوئی خاطر خواہ اقدامات نہیں اٹھائیں جا رہے ہیں تاکہ نقب زنی کے واقعات پر قابو پا لیا جائے اور جو بھی ملوث ہے ان کے خلاف کارروائی عمل میںلائی جائے ۔ انہوں نے مطالبہ کیا کہ علاقے میں نقب زنی کے واقعات پر قابو پانے کیلئے ہنگامی بنیادوں پر کارورائی عمل میں لائی جائے تاکہ لوگوں کو راحت نصیب ہو سکے ۔