رات کے دوران کمرے میں دم گھٹنے سے غیر یاستی مزدولقمہ اجل

جنوبی ضلع شوپیان کے ہومنہ ناگہ بل علاقے میں اس وقت سنسنی پھیل گئی جب کرایہ کے کمرے میں رات کے دوران دم گھٹنے سے ایک غیر ریاستی مزدور کی موت ہوئی جبکہ دو کو بے ہوشی کی حالت میں اسپتال منتقل کیا کیا ۔ نمائندے نے اس ضمن میں شوپیان سے تفصیلات فراہم کرتے ہوئے بتایا کہ ضلع کے ہامنو ناگہ بل علاقے میں دو غیر ریاستی اور ایک مقامی مزدور ایک رہائشی کمرے میں رہتے تھے تاہم رات کے دوران کمرے میں دم گھٹنے سے تینوں بے ہوش ہو گئے ۔ نمائندے کے مطابق تینوں مزدوروں جن کی شناخت انصار اور عظم ساکنان اتر پردیش جبکہ مقامی نوجوان عبید احمد پرے ولد بشیر احمد پرے ساکنہ ہامنو ناگہ بل شوپیان کو بے ہوشی کی حالے میں زینہ پورہ شوپیان اسپتال پہنچایا گیا تاہم وہاں ایک غیر ریاستی مزدور انصار اسپتال پہنچتے ہی دم توڑ بیٹھا جبکہ دو دیگر کو انتہائی نگہداشت میںکچھ وقت رکھنے کے بعد انہیں سرینگر منتقل کر دیا گیا ۔ پولیس کے ایک سنیئر آفیسر نے اس کی تصدیق کرتے ہوئے بتایا کہ تینوں مزدور ایک رہائشی کمرے میں سو رہے تھے جس دوران دم گھٹنے کی وجہ سے وہ بے ہوش ہو گئے ۔ انہوںنے بتایا کہ اگرچہ تینوں کو اسپتال پہنچایا گیا تاہم وہاں ایک کی موت ہوئی ۔ انہوں نے بتایا کی ابتدائی تحقیقات سے یہ بات سامنے آئی کہ اس کی موت دم گھنٹے سے ہوئی تاہم حقائق کو جاننے کیلئے کارروائی جاری ہے ۔