بھارت آج امیدوں اور امکانات کی سرزمین ہے ہمارا امرت کالوکست بھارت 2047@کے لیے ایک لانچ پیڈ ہے۔نائب صدر

نئی دلی/۔ نائب صدر جناب جگدیپ دھنکھر نے آج بھارت کو ‘ امید اور مواقع’ کی سرزمین قرار دیتے ہوئے کہا کہ ہمارا    امرت کال  وکست بھارت 2047@ کیلئے لانچ پیڈ ہے۔دہلی یونیورسٹی کے صد سالہ سالانہ کانووکیشن کی تقریبات سے خطاب کرتے ہوئے، شری دھنکھر نے ہندوستان کے یادگار اور غیر معمولی عروج کی طرف توجہ مبذول کروائی اور اس بات پر روشنی ڈالی کہ ہندوستان آج امکانات کے ساتھ  بڑھ رہا ہے اور عالمی نظام کی وضاحت کر رہا ہے۔ایک عالمی رہنما کے طور پر بین الاقوامی محاذ پر ہندوستان کے اثر انگیز اضافہ کا حوالہ دیتے ہوئے نائب صدر نے اس بات پر زور دیا کہ "دنیا اب ہندوستان کی نرم سفارت کاری کو ایک مستحکم قوت اور گلوبل ساؤتھ کی آواز کے طور پر تسلیم کرتی ہے۔ انہوں نے G20 میں افریقی یونین کی شمولیت اور ہندوستان-مشرق وسطی یورپ تجارتی راستے کے اعلان کو اس سلسلے میں شاندار کامیابیوں کے طور پر حوالہ دیا۔طلباء کو مسابقتی امتحانات کے جنون کو ترک کرنے اور ملازمت کے معمول کے مواقع سے ہٹ کر دیکھنے کی تلقین کرتے ہوئے، شری دھنکھر نے اصرار کیا کہ بھارت کو آپ سے توقعات ہیں، نہ صرف ملازمین کی حیثیت سے، بلکہ اختراع کاروں، صنعت کاروں اور تبدیلی سازوں کے طور پر۔ انہوں نے فارغ التحصیل طلباء سے کہا کہ مستقبل ان لوگوں کا ہے جو عام سے بڑھ کر بڑے، جرات مندانہ خواب دیکھنے کی ہمت رکھتے ہیں۔ملک میں شفاف حکمرانی کے ماحولیاتی نظام کی تعریف کرتے ہوئے، شری دھنکھر نے کہا، "بدعنوانی کے سیاہ بادل جو ہماری قوم پر کافی عرصے سے سایہ کیے ہوئے تھے، اب ختم ہو گئے ہیں۔ حکمرانی، رکاوٹ بننے کے بجائے اب  شہریوں کوقابل بنا رہی ہے۔ نائب صدر نے مزید زور دے کر کہا کہ اب مواقع کا فیصلہ میرٹ سے ہوتا ہے سرپرستی سے نہیں۔ انہوں نے زور دیا کہ "قانون کے سامنے مساوات، جمہوریت کے لیے ضروری ہے، اب صرف ایک آئینی آئیڈیل نہیں ہے، یہ ایک تسلیم شدہ حقیقت ہے”۔