کپوارہ میں سی آرپی ایف حرکت قلب بندہونے سے فوت

بڈگام میں ایک غیر مقامی شخص کی لاش برآمد،رپورٹ درج
سرینگر/20فروری//وورا کپواڑہ میں ڈیوٹی اوقات کے دوران سی آر پی ایف کے سپاہی کی دل کا دورہ پڑنے سے موت واقع ہوئی ہے جبکہ وسطی ضلع بڈگام میں ایک غیر مقامی شہری کی لاش برآمد کی گئی ہے ۔ پولیس نے دونوں معاملوںمیں رپورٹ درج کرلی ۔وائس آف انڈیا کے مطابق شمالی کشمیر کے کپواڑہ ضلع کے واوورا علاقے میں ڈیوٹی اوقات کے دوران مشتبہ طور پر دل کا دورہ پڑنے سے سی آر پی ایف کے ایک جوان کی موت ہو گئی۔ذرائع کے مطابق 162 بٹالین کے ایس آئی رینک کے ایک موہن لال نے سینے میں شدید درد کی شکایت کی اور اس کے بعد واوورا میں ڈیوٹی اوقات کے دوران بے ہوش ہو گیا۔انہوںنے بتایا کہ اسے نیم مردہ حالت میں سوگام ایس ڈی ایچ پہنچایا گیا تھاہم ڈاکٹروںنے اسے وہاں مردہ قراردیا۔ فورسز اہلکار کی موت کی تصدیق کرتے ہوئے ایک پولیس ذرائع نے بتایا کہ ڈاکٹروں کے مطابق سی آر پی ایف اہلکار کی موت دل کا دورہ پڑنے سے ہوئی ہے۔ دریں اثناءوسطی کشمیر کے بڈگام ضلع کے مضافات سے منگل کی صبح ایک غیر مقامی شخص کی لاش برآمد ہوئی۔ذرائع نے بتایا کہ چاڈورہ کے سازی پورہ علاقے میں ایک شخص لاش سڑک پر پڑی ہوئی ملی جو بظاہر ایک غیر مقامی شخص کی تھی۔ابتدائی طور پر اس کی موت فطری طور پر دکھائی دے رہی تھی تاہم پولیس نے کہا کہ متعلقہ قانون کے سیکشن کے تحت تفتیش کی کارروائی شروع کر دی گئی ہے اور مزید تفتیش شروع کر دی گئی ہے۔