وزیر اعظم   نریندر مودی 20 فروری کو جموں کا دورہ کریں گے

 30,500 کروڑ روپے سے زیادہ کے متعدد ترقیاتی منصوبوں کاافتتاح اور سنگ بنیاد رکھیں گے
 نئی دلی /۔وزیر اعظم جناب نریندر مودی 20 فروری 2024 کو جموں کا دورہ کریں گے۔  سرکاری بیان  کے  مطابقوزیر اعظم تقریباً 11:30 بجے، مولانا آزاد اسٹیڈیم، جموں میں ایک عوامی تقریب میں 30,500 کروڑ روپے سے زیادہ کے متعدد ترقیاتی منصوبوں  کاافتتاح، ملک کو وقف  اور  سنگ بنیاد رکھیں گے۔ یہ منصوبے صحت، تعلیم، ریل، سڑک، ہوابازی، پٹرولیم،  بلدیاتی  انفرااسٹرکچر سمیت کئی شعبوں سے متعلق ہیں۔ پروگرام کے دوران وزیر اعظم جموں و کشمیر کے تقریباً 1500 نئے سرکاری طور پر بھرتی ہونے والے  افراد  کو تقرر   نامے تقسیم کریں گے۔ وزیر اعظم ‘وکست بھارت وکست جموں’ پروگرام کے ایک حصے کے طور پر مختلف سرکاری اسکیموں کے استفادہ کنندگان سے بھی بات چیت کریں گے۔ سرکاری بیان  کے  مطابقوزیر اعظم ایمس جموں کا افتتاح کریں گے۔ پی ایم نے فروری 2019 میں اس کا سنگ بنیاد بھی رکھا تھا۔وزیر اعظم جموں ہوائی اڈے کی نئی ٹرمینل عمارت اور جموں میں کامن یوزر فیسلٹی پیٹرولیم ڈپو کا سنگ بنیاد رکھیں گے۔وزیر اعظم جموں و کشمیر میں کئی اہم سڑک اور ریل کنکٹیویٹی پروجیکٹوں کو ملک کے نام وقف اور سنگ بنیاد رکھیں گے۔وزیراعظم جموں و کشمیر میں بلدیاتی اور شہری بنیادی ڈھانچے کو مضبوط بنانے کے لیے کئی پروجیکٹوں کا سنگ بنیاد اور افتتاح بھی کریں گے۔