اہم شاہراہوں پر فورسز اور پولیس کی اضافی نفری تعینات ،گاڑیوں کی چیکنگ کا سلسلہ تیز
سرینگر///یوم جمہوریہ کی تقریبات سے قبل ہی وادی کشمیر کے ساتھ ساتھ جموں میں بھی حفاظتی انتظامات سخت کردئے گئے ہیں اور وادی کے مختلف علاقوں میں نجی گاڑیوں کی تلاشی کاسلسلہ شروع کردیا گیا ہے ۔ ادھر سرینگر اور جموں میں 26جنوری کی تقاریب کو احسن طریقے سے منعقد کرنے کےلئے دونوں شہروں میں فورسز اور پولیس کی اضافی نفری تعینات کی جارہی ہے ۔ ذرائع نے بتایا کہ سرینگر کے ساتھ ساتھ جموں شہر میں سختی بڑھا دی گئی ہے۔ ڈرون کے ذریعے شہر کے ہر کونے کی نگرانی کی جائے گی جبکہ رات کے اوقات میں فوج کی کیسپر گاڑیوں کو سرینگر کے مختلف علاقوںمیںگشت کرتے دیکھا گیا ہے ۔ادھر سرکاری ذرائع نے بتایا ہے کہ سرینگر کے شیر کشمیر کرکٹ سٹیڈیم جہاں پر وادی کی سب سے بڑی تقریب منعقد ہوگی اور جموں کے مولانا آزاد سٹیڈیم جہاں پر سب سے بڑی تقریب منعقد ہورہی ہے کو فورسز کی تحویل میں دے دیا گیا ہے تاکہ کسی بھی امکانی گڑ بڑھ کی کوشش کو ناکام بنایا جاسکے ۔ ذرائع نے بتایاکہ جموں صوبے میں ملٹنسی کی متعدد وارداتیں گزشتہ ایک ماہ سے رونماءہوئی ہے اور گزشتہ روز پونچھ میں ایک فوجی گاڑی پر فائرنگ کے بعد جموں بھر میں حفاظت کے غیر معمولی انتظامات کئے جارہے ہیں اور مختلف علاقوں میں ناکے بٹھائے گئے جہاں سے گزرنے والی گاڑیوں کی باریک بینی سے تلاشی لی جارہی ہے ۔ اس دوران سرینگر اور جموں کے حساس علاقوں میں فورسز اور پولیس کی اضافی نفری تعینات کی گئی ہے جبکہ تقریبات منعقد ہونے کی جگہوں کے گرد ڈرون کے ذریعے نگرانی کی جارہی ہے ۔ وائس آف انڈیا کے مطابق یوم جمہوریہ کے موقع پرفورسز اورپولیس کی جانب سے تقریبات کے دوران نگرانی کاعمل وسیع کیا جارہا ہے جبکہ کسی بھی امکانی گڑ بڑھ کے پیش نظر سرینگر اور جموں کے شہروں میں ڈرون کے نگرانی شروع کی گئی ہے ۔ سرکاری ذرائع کے مطابق تقریبات کو احسن طریقے سے منعقدکرنے کےلئے سرینگر کاسٹیڈیم اور جموں کا مولانا آزاد سٹیڈیم جہاں سب سے بڑی تقریب منعقد ہوگی اور جموں کشمیر کے لیفٹیننٹ گورنر منوج سنہا تقریب پرمہمان خصوصی ہوگی کوفورسزکی تحویل میں دیا گیا ہے ۔ اس کے ساتھ ہی شہر میں سختی بڑھا دی گئی ہے۔ ڈرون کے ذریعے شہر کے ہر کونے کی نگرانی کی جا رہی ہے۔ اہم مقامات کی سیکیورٹی کے لیے سیکیورٹی فورسز اور ایم اے اسٹیڈیم کی ذمہ داری ایس او جی کو دی گئی ہے۔ہر گاڑی کو ناکوں پر چیکنگ کے بعد ہی آگے جانے کی اجازت دی جارہی ہے ۔ادھر جموں کے پونچھ ضلع میں گزشتہ روز نامعلوم بندوق برداروں کی جانب سے فوجی گاڑی پر گولی چلانے کے بعد پورے جموں خطے میں حفاظت کے سخت اقدامات کئے جارہے ہیں اور سرحد پار سے ہونے والی مشکوک سرگرمیوں سے نمٹنے کے لیے پولس گشت شروع کر دی گئی ہے۔ محلوں، فلائی اوورز اور شہروں میں مانیٹرنگ کی جا رہی ہے اوراس وقت متعدد مقامات پرناکے لگائے گئے ہیں۔سرینگر کے سیڈیم اور جموں کے ایم اے سٹیڈیم کے باہر غیر ضروری طور پر کھڑے ہونے کی اجازت نہیں ہے۔ادھرسرکاری ذرائع نے بتایاکہ جموں اور سرینگر میں یوم جمہوریہ کی تقاریب کےلئے سرکاری سطح پر تمام تر تیاریاں مکمل کی جاچکی ہے اور ہر ضلع ہیڈ کوارٹر میں تقاریب منعقد ہوگی جہاں پر ضلع کمشنروں کی جانب سے پریڈ پر سلامی لی جائے گی ۔
