راجناتھ سنگھ نے پونچھ میں  ہلاک تین شہریوں کے اہل خانہ سے ملاقات کی

 نئی دلی/وزیر دفاع راج ناتھ سنگھ نے بدھ کے روز جموں و کشمیر کے پونچھ ضلع میں انسداد دہشت گردی آپریشن کے مقام کے قریب مارے گئے تین شہریوں کے اہل خانہ سے ملاقات کی۔اس سے قبل، گزشتہ ہفتے جمعرات کو راجوری سیکٹر میں تھانامنڈی کے قریب بھاری ہتھیاروں سے لیس دہشت گردوں نے فوج کی دو گاڑیوں پر گھات لگا کر حملہ کیا تھا جس کے بعد فوج کے چار اہلکار ہلاک اور تین دیگر زخمی ہو گئے تھے۔راجناتھ سنگھ کے ساتھ جموں و کشمیر کے لیفٹیننٹ گورنر منوج سنگھ بھی تھے۔وزیر دفاع سے ملاقات کے بعد متاثرہ کے بھائی نور محمد نے کہا کہ راج ناتھ سنگھ نے انہیں انصاف کی یقین دہانی کرائی ہے۔محمد نے کہا، "ہم نے ا نہیں واقعے کے بارے میں بتایا، اور انہوں نے ہمیں یقین دلایا کہ انصاف کیا جائے گا۔ ہمارے ساتھ جو کچھ ہوا وہ برا تھا، اور انہوں نے ہمیں یقین دلایا کہ انصاف دیا جائے گا۔ ہمیں امید ہے کہ ایسا کیا جائے گا۔دریں اثناء مقتولہ کے چچا محمد صادق نے کہا کہ جلد انصاف دیا جائے۔انہوں نے مزید کہا کہ "انصاف ہونا چاہیے اور بروقت انصاف ہونا چاہیے۔ ہم وزیر دفاع کا خیرمقدم کرتے ہیں، جنہوں نے آکر ہم سے ملاقات کی اور ہمیں انصاف کی یقین دہانی کرائی۔سابق ایم ایل سی شہناز گنائی نے کہا کہ وزیر دفاع اور ایل جی آئے اور انہوں نے متاثرہ خاندانوں سے ملاقات کی اور انصاف کی فراہمی کا یقین دلایا۔”رکشا منتری اور ایل جی آئے اور انہوں نے متاثرہ خاندانوں سے ملاقات کی اور انہوں نے یقین دلایا کہ انصاف فراہم کیا جائے گا اور عدالتی تحقیقات کی جائیں گی۔ ہمارے راجوری پونچھ کے لوگ ہمیشہ ملک کے ساتھ ہیں، میں وہاں کے لوگوں سے کہنا چاہتا ہوں کہ ہمیں ان لوگوں کے خلاف لڑنا چاہئے جو چاہتے ہیں۔  بھارتی فوج نے ہفتے کے روز کہا کہ وہ پونچھ۔راجوری سیکٹر میں تین شہریوں کی ہلاکت کی تحقیقات کر رہی ہے، جہاں عسکریت پسندوں نے 21 دسمبر کو فوجی اہلکاروں پر حملہ کیا تھا، جس میں چار فوجی مارے گئے تھے۔