پی ایم مودی نے اردن کے شاہ  عبداللہ  دوئم سے بات کی

 دونوں نے دہشت گردی، شہریوں کی جانوں کے ضیاع پر تشویش کا اظہار کیا
 نئی دلی۔/ وزیر اعظم نریندر مودی نے اسرائیل-حماس تنازعہ کے درمیان اردن کے شاہ عبداللہ۔II سے بات کی ۔ دونوں رہنما نے  دہشت گردی، تشدد اور شہریوں کی جانوں کے ضیاع پر تشویش کا اظہار  کیا۔ پی ایم مودی نے ایکس پر کہا کہ سلامتی اور انسانی صورتحال کے جلد حل کے لیے مشترکہ کوششوں کی ضرورت ہے۔” اردن کے بادشاہ  عبداللہ  دوئم  کے ساتھ بات کی۔ مغربی ایشیا کے خطے میں ہونے والی پیش رفت پر تبادلہ خیال کیا۔ انہوں نے کہاکہ  ہم دہشت گردی، تشدد اور شہریوں کی جانوں کے ضیاع کے حوالے سے خدشات کا اظہار کرتے ہیں۔ سلامتی اور انسانی صورتحال کے جلد حل کے لیے ٹھوس کوششوں کی ضرورت ہے۔اسرائیل نے حماس کے زیر کنٹرول غزہ کی پٹی پر حملہ اس وقت شروع کر دیا ہے جب اس گروپ سے وابستہ عسکریت پسندوں نے ملک پر حملے میں شہریوں سمیت سینکڑوں افراد کو ہلاک کر دیا تھا۔پیر کو اپنے 17ویں دن میں ہونے والی جنگ دونوں فریقوں کے لیے غزہ کی پانچ جنگوں میں سب سے مہلک ہے۔ حماس کے زیر انتظام وزارت صحت نے پیر کو کہا کہ کم از کم 5,087 فلسطینی ہلاک اور 15,270 زخمی ہوئے ہیں۔