قرفلی محلہ سری نگر میں نقب زنوں نے 25 لاکھ روپیہ مالیت کے طلائی زیورات اڑا لئے

سری نگر/قرفلی محلہ سری نگرمیں چوروں نے 25لاکھ روپیہ مالیت کے طلائی زیورات پر ہاتھ صاف کرکے نو دو گیارہ ہو گئے۔پولیس نے کیس درج کرکے نقب زنوں کی تلاش شروع کی ہے۔اطلاعات کے مطابق سری نگر کے قرفلی محلہ علاقے میں نقب زنوں نے درمیانی شب رہائشی مکان میں گھس کر وہاں سے 25لاکھ روپیہ مالیت کے طلائی زیورات چرا کر فرار ہوئے۔اہل خانہ کے مطابق نقب زن درمیانی شب غسل خانے کی کھڑکی سے رہائشی مکان کے اندر داخل ہوئے اور کچن میں موجود سیف کو اڑا کر فرار ہوئے۔انہوں نے بتایا کہ سیف میں کم از کم 25لاکھ روپیہ مالیت کے طلائی زیورات تھے۔انہوں نے پولیس کے اعلیٰ حکام سے نقب زنی میں ملوث چوروں کو بے نقاب کرنے کا مطالبہ کیا ہے۔دریں اثنا پولیس نے اس ضمن میں کیس درج کرکے مزید تحقیقات شروع کی۔