بھارت کی پُرانی پارلیمانی عمارت بھارت کی تاریخی نشانی

9برسوں کے دوران کئی چلینجوں کا سامنا کرتے ہوئے ہم آگے بڑھے ۔ وزیر اعظم
پارلیمنٹ او رراجہ سبھا کاپانچ روزہ خصوصی اجلاس شروع ہونے کے موقعے پر ایوان میں کارروائی کاافتتاح کرتے ہوئے وزیراعظم نریندر مودی نے کہاکہ ہم ایک نئے بھارت کی طرف گامزن ہے جہاں رونے دھونے سے نہیں بلکہ ہمت سے کام کرنے کی ضرورت ہے۔ وزیراعظم نے اپنے 75منٹ کے خطاب میں کہاکہ موجودہ پارلیمنٹ کی عمارت ہماری جنگ آزادی کی نشانی ہے۔ 75سال تک اس عمارت میں بڑے بڑے فیصلے لئے گئے اور اس عمارت میں بھارتیہ جنتا پارٹی کے سینئرلیڈر آنجہانی وزیرعظم نے یہ بھی کہاتھاکہ حکومتیں آتی ہےں جاتی ہےں لیکن جمہوریت اورملک کانظام ہمیشہ قائم رہنے والاہے ۔وزیراعظم نے کہاکہ انگریزوں نے اگرچہ اس عمارت کوتعمیرکیاتھا تاہم ہمیں فخراس بات پر ہے کہ اس عمارت کی تعمیر میں پسینہ اور محنت ہمارے اپنے لوگوں کی تھی ۔انہوںنے کہا اس عمارت نے پنڈت جواہرلال نہروں لال، بہادر شاستری ، اندراگاندھی ،اٹل بہاری واجپائی ،چرن سنگھ ،اندرکمار گجرال، دیوی گوڑا ،راجیوگاندھی ،وزرائے اعظم کادوربھی دیکھااور اس عمار ت میں ملک کے تئیں کئی بڑے فیصلے بھی لئے گئے ۔انہوںنے کہاکہ ہمارے 75سال میں کیاہوا کیانہیں ہوا یہ عمارت اسکی گواہ ہے۔ اب ہم ایک نئی منزل کی طرف گامزن ہےںاور ہم نے ملک کو ترقی کی منزلوں پرلے جاکر ایک ترقی یافتہ ملک کے صف میں کھڑا کردیا۔وزیراعظم نے اپنے خطاب کے دوران کہاکہ جی ٹونٹی کانفرنس ہمارے ملک کی کامیابی کی نشانی ہے۔ انہوںنے کہاکہ آج بھارت کودنیامیں ایک مقام حاصل ہے ہماری بات کوسنابھی جاتا ہے اور مانابھی جاتا ہے آج بھارت دنیاکے لئے ایک مرکز کی حیثیت رکھتا ہے آج ہم دنیاکوانفارمیشن ٹیکنالوجی فراہم کرنے میں سرفہرست ہےں ۔وزیراعظم نے اپنے خطاب کے دوران کہاپچھلے دوبرسوںکے دوران ہم نے کئی بڑے فیصلے لئے اور اس ملک کو مضبوط مستحکم بنانے میں کوئی بھی دقیقہ فرگزاشت نہیں کیا۔انہوں نے کہانوسالہ دوراقتداراس بات کی گواہ ہے کہ ہم نے سخت ترین چلینجوںکاخندہ پیشانی کے ساتھ دنیاکویہ پیغام دیاکہ بھارت ایک بڑے طاقت ورملک کی حیثیت سے اُبھر کرسامنے آیا۔وزیراعظم نے کہاکہ کروناوائرس کی وبائی بیماری کے دوران بھارت دنیاکاایسا واحدملک ہے جس کی معاشی اور اقتصادی حالت مضبوط اور مستحکم رہی ہم نے دنیاکو اس وبائی بیماری سے نمٹنے کے لئے ویکسین فراہم کئے ہم اس مشکل ترین دور سے گزرنے میں کامیاب ہوئے۔ حزب اختلاف کوہدف تنقید کانشانہ بناتے ہوئے وزیراعظم نے کہا تنقیدبرائے تنقید جمہوریت کی چابی نہیں ہے حزب اختلاف کومضبوط مستحکم ہونا ایک بہتر مضبوط جمہوریت کی نشانی ہے تاہم حزب اختلاف کوچاہئے کہ وہ سرکار کوجواب دہ بنائےں تا کہ سرکار کے اقدامات ملک کے مفادمیںہوں۔وزیراعظم نے کہا 75عرصے کے بعدہم ایک نئے پارلیمنٹ ہاوس میں کام کرنے جارہے ہیں۔انہوںنے کہاکہ اس پرانی عمارت میں اب تک 7500ممبران پارلیمنٹ او رچھ سے خواتین نے ان خدمات انجام دے کرپارلیمانی روایات کو زندہ رکھا۔وزیراعظم نے کہاکہ ہم ایک نئے منزل کی طرف گامزن ہے ہم سب کومتحدہوکرملک کوآگے آناہوگا اوران چلینجوں کامقابلہ کرناہوگا جوملک کودرپیش ہے ۔