نائب صدر جمہوریہ نے نئی پارلیمنٹ بلڈنگ کے گجا دوار پر قومی پرچم لہرایا

نئی دلی/بھارت کے امرت کال میں ایک شاندار وراثت سے ایک نئے باب تک ایک نئی شروعات کا آغاز کرتے ہوئے، نائب صدر اور راجیہ سبھا کے چیئرمین جناب جگدیپ دھنکھر نے آج پارلیمنٹ کی نئی عمارت کے گجا دوار پر قومی پرچم لہرایا۔ لوک سبھا کے اسپیکر جناب اوم برلا بھی اس موقع پر موجود تھے۔اسے ایک "تاریخی لمحہ اور ایک سنگ میل کی ترقی” کے طور پر بیان کرتے ہوئے نائب صدر نے کہا کہ بھارت عہد کی تبدیلی کا مشاہدہ کر رہا ہے اور دنیا بھارت کی طاقت، صلاحیتاور شراکت کو مکمل طور پر تسلیم کر رہی ہے۔انہوں نے میڈیا سے بات کرتے ہوئے مزید کہا کہ "ہم ایسے دور میں رہ رہے ہیں جہاں ہم ترقی اور کامیابیوں کا مشاہدہ کر رہے ہیں جن کا ہم نے کبھی خواب بھی نہیں دیکھا تھا۔ آج ہماری زمینی حقیقت عالمی سطح پر انتہائی مثبت انداز میں ظاہر ہو رہی ہے”۔اس تاریخی لمحے کا مشاہدہ کرنے کے لیے مرکزی وزراء، سیاسی میدان میں پارلیمنٹ کے اراکین، راجیہ سبھا اور لوک سبھا کے سکریٹری جنرل بھی موجود تھے۔